تۇركيا دەموكراتيا جانە ۇلتتىق بىرلىك كۇنىن اتاپ ءوتىپ جاتىر

انكارا. قازاقپارات - بۇگىن تۇركيا رەسپۋبليكاسىندا دەموكراتيا جانە ۇلتتىق بىرلىك كۇنىن اتاپ ءوتىپ جاتىر.

15- شىلدە التى جىل بۇرىنعى قايعىلى وقيعادان كەيىن ەلدە ۇلتتىق مەيرام بولدى، دەپ حابارلايدى قازاقپارات مەنشىكتى ءتىلشىسى.

2016-جىلى 15- ماۋسىمنان 16 نا قاراعان ءتۇنى ەلدە بيلىكتى كۇشپەن تارتىپ الماق بولدى.

بۇگىن بۇكىل ەلدە وسى كۇنگە ارنالعان شارالار ءوتىپ جاتىر. ءبىر مينۋت ۇنسىزدىكتەن كەيىن سول وقيعانىڭ ەسكەرتكىشتەرىنە گۇل شوقتارىن قويىپ، قازا تاپقاندار تۋرالى جاقسى سوزدەر ايتادى جانە ارداگەرلەردى ەسكە الادى. الايدا، ۇلكەن قالالاردا قاۋىپسىزدىك شاراسى كۇشەيتىلەدى.

اسكەري توڭكەرىسكە 8 مىڭنان استام اسكەري قىزمەتشى، 35 ۇشاق، 37 تىكۇشاق، 74 تانكى، 246 اسكەري كولىك، 4 مىڭنان استام قارۋ جانە ءۇش كەمە تارتىلعان ەدى. ەكى كۇننىڭ ىشىندە 251 ادام قازا تاپقان.

ەل ۇكىمەتى بيلىكتى باسىپ الۋدى ۇيىمداستىردى دەپ فەتو ۇيىمىن كىنالادى. ول تۇركيادا تەرروريستىك دەپ تانىلعان. ونىڭ كوشباسشىسى - وپپوزيتسيالىق يسلام ۇگىتتەۋشىسى فەتحۋللاح گيۋلەن.

15- شىلدە رەسمي تۇردە تۇركيادا دەمالىس كۇنى. بيىل ول كۋربان بايرامعا تۇسپا-تۇس كەلىپ تۇر. سونىڭ ارقاسىندا ادامدار 9-17- شىلدە ارالىعىندا دەمالادى.