20:40, 15 - شىلدە 2022 | GMT +5
قازاقستاندىقتار ەندى اندورراعا ۆيزاسىز بارا الادى
نۇر-سۇلتان. قازاقپارات - قازاقستاندىق تۋريستەر ەندى اندوررا كنيازدىگىنە 90 كۇنگە ۆيزاسىز بارا الادى.
بۇل تۋرالى ۇكىمەت قاۋلىسى «اشىق» ن ق ا سايتىندا جاريالاندى، دەپ حابارلايدى قازاقپارات ءتىلشىسى.
«جارامدى جول ءجۇرۋ قۇجاتتارى بار ق ر ازاماتىنان اندوررا كنيازدىگىنە 90 كۇننەن اسپايتىن ۋاقىتقا ءبىر نەمەسە بىرنەشە رەت بارعاندا، ترانزيتپەن وتكەندە جانە ۋاقىتشا بولعان كەزدە ولاردان ۆيزالىق تالاپتار سۇرالمايدى. اندوررا كنيازدىگىنىڭ اۋماعىندا بولعان كەزىندە ءوزىنىڭ قۇجاتتارىن جوعالتقان قازاقستان رەسپۋبليكاسىنىڭ ازاماتى سول ەلدەگى قازاقستان ەلشىلىگىنە نەمەسە كونسۋلدىق بولىمشەلەرىنە بارىپ، وكىلدىكتەر ۇسىنعان ۋاقىتشا قۇجات ارقىلى اندوررا اۋماعىنان تىس جەرلەرگە شىعا الادى»، - دەلىنگەن قاۋلىدا .
ەسكە سالا كەتەيىك، تاياۋدا قازاقستان مەن نيكاراگۋا اراسىنداعى ۆيزالىق تالاپتار الىنىپ تاستالعانىن حابارلاعان بولاتىنبىز.
