الماتىدا ەلەكترلى ساموكاتپەن قاي جەرلەردە جۇرۋگە بولمايدى
بۇل تۋرالى «Jet Sharing» ج ش س ديرەكتورى مەيرامبەك ابەلقاسوۆ ايتتى، دەپ حابارلايدى قازاقپارات ءتىلشىسى.
«قازىرگى ۋاقىتتا ەلەكترلى ساموكاتپەن جۇرۋگە شەكتەۋ تۇڭعىش پرەزيدەنت ساياباعى اۋماعىندا قولدانىلادى. الداعى ۋاقىتتا 28- پانفيلوۆشىلار پاركى مەن ورتالىق دەمالىس پاركىنە دە شەكتەۋلەر قويىلادى»، - دەدى مەيرامبەك ابەلقاسوۆ.
ول سونداي-اق، ساموكاتتاردى جالعا بەرۋ وپەراتورلارىنىڭ ايىپپۇل مەن ىنتالاندىرۋ جۇيەسىن ەنگىزۋدى جوسپارلاپ وتىرعانىن ايتتى.
«ەگەر پايدالانۋشى ساموكاتتى ءتيىستى ورىنعا قالدىرسا، وندا ول ءۇشىن بونۋس الادى، ەگەر دۇرىس جەرگە قالدىرماسا، وندا ايىپپۇل ارقالايدى»، - دەدى ول.
«Ozim» ج ش س ديرەكتورى اسىلبەك ەسەنوۆ جۋرناليستەردىڭ سۇراقتارىنا جاۋاپ بەرە وتىرىپ، ءبىر ساموكاتپەن ەكى نەمەسە ودان كوپ ادامنىڭ جۇرۋىنە بارلىق وپەراتورلاردىڭ تىيىم سالاتىنىن، سەبەبى بۇل قاۋىپتى جانە سكۋتەر ءبىر ادامعا عانا ارنالعان كولىك ەكەنىن اتاپ ءوتتى.
ەسكە سالايىق، بۇگىن الماتى قالاسىنىڭ اكىمدىگى مەن ەلەكترلى ساموكاتتاردى جالعا بەرەتىن وپەراتورلار اراسىندا مەموراندۋمعا قول قويىلدى ، سونداي-اق بيىل الماتىدا ەلەكترلى ساموكات قولدانۋشىلارىنىڭ سانى بەس ەسە ءوسىپ وتىر .
