20:08, 15 - شىلدە 2022 | GMT +5
اۋىل شارۋاشىلىعى تەحنيكالارىن جەڭىلدەتىلگەن نەسيەمەن بەرۋ باعدارلاماسى ىسكە قوسىلادى
نۇر-سۇلتان. قازاقپارات - ەلىمىزدە وتاندىق اۋىل شارۋاشىلىعى تەحنيكالارىن ساتىپ الۋعا ارنالعان جەڭىلدەتىلگەن نەسيە بەرۋ باعدارلاماسى ىسكە قوسىلادى.
بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.
«يندۋستريا جانە ينفراقۇرىلىمدىق دامۋ مينيسترلىگى مەن ەكولوگيا، گەولوگيا جانە تابيعي رەسۋرستار مينيسترلىگى بىرلەسىپ، روپ وپەراتورىنىڭ قاراجاتىن پايدالانا وتىرىپ، وتاندىق اۋىل شارۋاشىلىعى تەحنيكاسىن ساتىپ الۋ ءۇشىن جەڭىلدەتىلگەن كرەديت بەرۋ تەتىگىن ەنگىزۋ مەحانيزمىن پىسىقتاپ جاتىر»، - دەلىنگەن مينيسترلىك حابارلاماسىندا.
ۆەدومستۆو باعدارلامانى بيىل ىسكە اسىرۋ ءۇشىن 3,5 ميلليارد تەڭگە قاراستىرىلىپ وتىرعانىن حابارلادى. ال ارالاس كوزدەر ارقىلى تارتىلاتىن قارجى كولەمى - 7 ميلليارد تەڭگە.
بۇل ۋاقىتقا دەيىن اۋىل شارۋاشىلىعى تەحنيكاسى ەكى ەسە قىمباتتاعانىن جازىپ ەدىك.
