ءالينۇر حامزين سلاۆيان بازارىندا لاۋرەات اتاندى
بايقاۋدىڭ ءبىرىنشى كۇنى ءالينۇر حامزين مۇقاعالي ماقاتايەۆتىڭ سوزىنە جازىلعان «قازاعىم-اي» ءانىن ورىندادى. قازىلار القاسى جەرلەسىمىزدىڭ ونەرىنە ەڭ جوعارعى - 70 ۇپاي بەردى. ال، ەكىنشى كۇنى ول ۋيليام «سموكي» روبينسوننىڭ «Who'sLovin'You» ءانىن شىرقاپ، 68 ۇپاي ەنشىلەدى. وسىلايشا، جاس ءانشى جالپى 138 ۇپاي جيناپ، لاۋرەات اتاندى. بايقاۋدىڭ باس جۇلدەسىن بەلارۋس ونەرپازى ەليسەي كاسيچ جەڭىپ الدى.
ءالينۇر حامزين 2010-جىلى ورال قالاسىندا دۇنيەگە كەلگەن. بۇگىندە ول 27№ مەكتەپ-ليتسەيىنىڭ 6-سىنىبىندا وقيدى. ونەرلى ءبۇلدىرشىن كەيىنگى 5 جىلدا رەسپۋبليكالىق جانە حالىقارالىق كونكۋرستارعا، تەلەجوبالارعا قاتىسقان. اتاپ ايتقاندا، پاريجدەگى «Junior Eurovision» بايقاۋىندا، تاشكەنتتەگى «روزا ۆوستوكا» حالىقارالىق كونكۋرسىندا لايىقتى ونەر كورسەتتى.
ونەرپاز «بالا داۋىسى» تەلەجوباسىنىڭ لاۋرەاتى، «التىن ميكروفون» حالىقارالىق ۆوكالدىق كونكۋرسىنىڭ، «Boztorgay « حالىقارالىق بالالار شىعارماشىلىعى كونكۋرسىنىڭ، «Baqytty bala» حالىقارالىق كونكۋرسىنىڭ ديپلومانتى جانە ديماش قۇدايبەرگەننىڭ «Dears» ارنايى سىيلىعىنىڭ يەگەرى اتانعان.
