كوروناۆيرۋس: جاڭا وقۋ جىلىندا مەكتەپتەردە شەكتەۋلەر ەنگىزىلە مە
بۇگىن ورتالىق كوممۋنيكاتسيالار قىزمەتىندە تىلشىلەر مينيستردەن جاڭا وقۋ جىلىندا كوروناۆيرۋستىڭ تارالۋىنا قاتىستى شەكتەۋلەر ەنگىزۋ مۇمكىندىگى تۋرالى سۇرادى.
«مەكتەپ وقۋشىلارىن وقىتۋ ءتارتىبى نەمەسە وقۋ ورىندارىنداعى كارانتينگە قاتىستى ماسەلەلەردى وقۋ جىلى باستالۋعا جاقىنداعاندا قاراستىراتىن بولامىز. سوندىقتان قازىر بالالاردى وقىتۋ ماسەلەسى جايىندا ناقتى تۇجىرىم ايتۋ ەرتەرەك دەپ ويلايمىن. وسى ورايدا الداعى ۋاقىتتا ەپيدەميولوگيالىق جاعداي بويىنشا جانە قابىلدانعان شارالار جونىندە تۇراقتى تۇردە اقپارات تاراتاتىن بولامىز»، - دەدى ا. عينيات.
بۇدان بۇرىن حابارلانعانداي، الەمدە سىرقاتتانۋ دەڭگەيىنىڭ وسۋىمەن قاتار، قازاقستاندا دا 20 -ماۋسىمنان باستاپ كوروناۆيرۋس ينفەكتسياسىنا شالدىعۋ دەڭگەيى ءوستى. سونىمەن قاتار، كوروناۆيرۋس كوپ تارالىپ جاتقان وڭىرلەر بەلگىلى بولدى. ق ر دەنساۋلىق ساقتاۋ ءمينيسترى COVID-19 ىندەتىنىڭ تارالۋ قارقىنىنا بايلانىستى قازاقستاندا ەنگىزىلۋى مۇمكىن شەكتەۋلەر جايىندا ايتتى.
