قازاقستاندا كوروناۆيرۋسقا قارسى ۆاكسينانىڭ ءۇش ءتۇرى بار
«ۆاكسيناتسيا جانە ريەۆاكتسيناتسيا ينفەكتسيادان قورعاۋدىڭ جالعىز جولى ەكەنى بارشا دۇنيەجۇزىندە دالەلدەندى. قازىرگى ۋاقىتتا قازاقستاندا ەكپە جاساۋ ءۇشىن ۆاكسينانىڭ 3 ءتۇرى، ياعني QazVac, Sinopharm جانە Pfizer ەكپەلەرى قامتاماسىز ەتىلگەن»، - دەدى ا. عينيات ورتالىق كوممۋنيكاتسيالار قىزمەتىندە.
سونىمەن قاتار ول ەگۋ پۋنكتتەرىنە ۆاكتسينانىڭ 1,6 ميلليون دوزاسى جەتكىزىلگەنىن ايتتى. سونمەن قاتار مينيستر مامىر ايىنىڭ سوڭىنان باستاپ قايتا ريەۆاكتسيناتسيالاۋ ەنگىزىلگەنىن ەسكە سالدى. بۇدان بۇرىن حابارلانعانداي، قازاقستان كۇزگە قاراي Pfizer ۆاكسيناسىنىڭ تاعى 300 مىڭ دوزاسىنا تاپسىرىس بەرەدى.
بۇگىنگى تاڭدا ەلىمىزدە 1 ميلليون 640 مىڭ 930 دوزا ۆاكسينا بار. ونىڭ ىشىندە، 329 مىڭ دوزا «QazVac»، 1 ميلليون 200 مىڭداي دوزا Sinopharm, 106,5 مىڭ دوزا Pfizer ۆاكسيناسى.
