ەكولوگيا ءمينيسترى كيىكتەردىڭ پوپۋلياتسياسىن زەرتتەۋگە قارجى ءبولۋدى سۇرادى
«كيىك پوپۋلياتسياسىن رەتتەۋ تۋرالى ايتساق، كەشە ءبىز عىلىم مەن سالالىق قاۋىمداستىقتاردىڭ قاتىسۋىمەن جينالىس وتكىزىپ، ورتاق شەشىمگە كەلدىك. ءبىرىنشى. تەرەڭ مونيتورينگ جۇرگىزىپ، كيىك پولپۋلياتسياسىن ءتيىمدى رەتتەۋ ءۇشىن كۇردەلى عىلىمي زەرتتەۋلەر جۇرگىزۋ قاجەت. بيىل زوولوگيا ينستيتۋتى عىلىم جانە جوعارى ءبىلىم مينيسترلىگىنە وسى تاقىرىپ بويىنشا زەرتتەۋلەر جۇرگىزۋ ءۇشىن ءوتىنىم بەرگەن ەدى. وكىنىشكە قاراي، بۇل جوبا قابىلدانبادى. وسىعان بايلانىستى، ءاليحان اسحان ۇلى، عىلىم جانە جوعارى ءبىلىم، قارجى مينيسترلىكتەرى وسى زەرتتەۋلەردى قارجىلاندىرۋدى بيىلدان باستاپ قاراستىرۋىن سۇرايمىز»، - دەدى سەرىكقالي برەكەشيەۆ.
سونداي- اق، مينيستر كيىكتەن زارداپ شەككەن شارۋالاردىڭ ماسەلەسىن دە كوتەردى.
«اتالمىش زەرتتەۋلەر جۇرگىزىلىپ، ونىڭ قورىتىندىسى شىققانعا دەيىن شارۋالارعا كەلگەن زالالدى ەسەپتەۋ ادىستەمەسى ازىرلەنىپ، وتەماقى تولەۋ ماسەلەسى پىسىقتالادى»، - دەدى ول.
ەسكە سالساق، كەشە پرەزيدەنت اتالعان ۆەدومستۆونىڭ جۇمىسىنا بىرنەشە سىن ايتىپ، سەرىكقالي برەكەشيەۆكە سوگىس جاريالاعان ەدى.
