پرەمەر- مينيستر ۇكىمەت مۇشەلەرىن پرەزيدەنت سىنىنان ساباق الىپ، بەلسەندى جۇمىس ىستەۋگە شاقىردى
«پرەزيدەنت بەرگەن تاپسىرمالاردى جەدەل ءارى ناتيجەلى ورىنداۋ كەرەك. پرەزيدەنتتىڭ ءبىزدىڭ جۇمىسىمىزعا قاتىستى كەشە ايتىلعان سىنى وتە ماڭىزدى ەكەنىن اتاپ وتكىم كەلەدى»، - دەدى ول ۇكىمەت وتىرىسىندا.
ۇكىمەت باسشىسىنىڭ پايىمىنشا، بارلىق مەملەكەتتىك ورگاندار، اكىمدىكتەر مەن كۆازيمەملەكەتتىك سەكتور بەلسەندىلىگىن ارتتىرۋى قاجەت.
«ءبىرىنشى باسشىلار پرەزيدەنت تاپسىرمالارىنىڭ ورىندالۋىن جەكە باقىلاۋعا الۋى كەرەك. جوبالار مەن باعدارلامالاردىڭ بارلىعى وڭىرلەردە جۇزەگە اسىرىلادى. ولار حالىقتىڭ ءال- اۋقاتىنا تىكەلەي اسەر ەتەدى. سوندىقتان ۇكىمەت پەن اكىمدىكتەر ءوزارا تىعىز بايلانىس ورناتىپ، ءاربىر ماسەلەنى بىرلەسىپ شەشۋى كەرەك. جالپى ۇكىمەت جۇمىسىنىڭ ناتيجەلى بولۋى ءارقايسىمىزدىڭ ءتيىمدى جۇمىس ىستەۋىمىزگە بايلانىستى. ەل ەكونوميكاسىنىڭ دامۋى، ازاماتتاردىڭ تۇرمىس ساپاسىنىڭ جاقسارعانىن سەزىنۋى ءۇشىن جوسپارلانعان جۇمىستى بىرلەسىپ جۇزەگە اسىرۋعا كۇش سالۋىمىز كەرەك»، - دەدى ءاليحان سمايىلوۆ.
ايتا كەتسەك، ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم- جومارت توقايەۆ مينيسترلەر كابينەتىنىڭ جۇمىسىنا ورتاشا دەگەن باعا بەرگەن بولاتىن.
