17:46, 15 - شىلدە 2022 | GMT +5
ساۋد ارابياسىندا دا مايمىل شەشەگى انىقتالدى
ەر- رياد. قازاقپارات - ساۋد ارابياسىنىڭ استاناسى ەر- ريادتا شەتەلدەن كەلگەن ادامنىڭ مايمىل شەشەگىنە شالدىققانى انىقتالدى، دەپ حابارلايدى قازاقپارات Alarabiya.Net سايتىنا سىلتەمە جاساپ.
دەنساۋلىق ساقتاۋ مينيسترلىگىنىڭ مالىمەتىنشە، اۋرۋ جۇقتىرعان ادام قازىر دارىگەرلەردىڭ باقىلاۋىندا جانە وعان بەكىتىلگەن مەديتسينالىق پروتسەدۋرالارعا سايكەس كومەك كورسەتىلىپ جاتىر.
ناۋقاسپەن قارىم- قاتىناستا بولعان ادامدار تەكسەرىلدى، سىنامالارى ساۋ ەكەندىكتەرىن كورسەتتى. ولاردا اۋرۋدىڭ بەلگىلەرى دە جوق.
بيلىك كەز كەلگەن جاعدايعا دايىن ەكەنىن مالىمدەپ، حالىقتى، اسىرەسە ساياحات كەزىندە مەديتسينالىق نۇسقاۋلاردى ورىنداۋعا شاقىردى.
بۇعان دەيىن رەسەيدە مايمىل شەشەگى تىركەلدى. «روسپوترەبنادزوردىڭ» باسپا ءسوز قىزمەتى ءمالىم ەتكەندەي، ناۋقاس ەۋروپا ەلدەرىنە ساياحاتتاپ كەلگەن.
سونداي- اق، قازاقستاندا كوروناۆيرۋستىڭ تارالۋىنا قارسى ۆەدومستۆوارالىق كوميسسيا مايمىل شەشەگىنەن ساقتانۋ كەرەكتىگىن ەسكەرتتى.
