قىتايداعى بەلگىلى ديكتور مۇراتبەك تەسەبايەۆ دۇنيەدەن وزدى
بۇل تۋرالى ونىڭ 25 جىل بىرگە جۇمىس ىستەگەن ارىپتەسى اقىن، جۋرناليست، ديكتور سەرىك ءابىل ۇلى حابارلادى.
قازاقتا ديكتور جايلى ءسوز بولسا، انۋاربەك بايجانبايەۆتىڭ اتى قاشاندا ءبىرىنشى بولىپ ەسكە تۇسەتىنى بەلگىلى. ويتكەنى انۋاربەك نىعمەتجان ۇلى تاڭعاجايىپ داۋىسىمەن حالقىنىڭ ساناسىندا ماڭگىلىككە ساقتالىپ قالدى. سول اتاقتى ديكتوردى وزىنە كاسىبي دە، رۋحاني دا ۇستاز تۇتقان، داۋىسىمەن تالايدى تامساندىرىپ، اعا جولىن قۋعان مۇراتبەك تەسەباي ۇلى دا ءبىرتۋار دارا تالانت يەسى ەدى. ساليقالى ەڭبەك جولىنىڭ 58 جىلىن راديوعا ارناعان، ەفيردەن تولىعىمەن 50 رومان وقىعان ارداگەر جۋرناليست، ديكتور مۇراتبەك تەسەبايەۆ - شەتەلدەگى قازاق جۋرناليستيكاسىنىڭ دامۋىنا ەلەۋلى ەڭبەك سىڭىرگەن ايتۋلى تۇلعا.
مۇراتبەك تەسەباي ۇلى 1939 -جىلى 15-جەلتوقساندا قىتايدىڭ التاي ايماعى جەمەنەي اۋدانىندا دۇنيەگە كەلگەن.
ايتا كەتەيىك، 2015 -جىلى ق ح ر- نىڭ ءۇرىمجى قالاسىنا قازاقپارات ءتىلشىسى ارنايى بارىپ بەلگىلى ديكتوردان سۇحبات العان بولاتىن.
اۆتورى: بەيسەن سۇلتان ۇلى
