قازاقستان تاريحىندا العاش رەت ءتورت تورەشى ۇلكەن دۋلىعا تۋرنيرىنە قازىلىق ەتتى
قازاقستان تەننيس فەدەراتسياسىنان ءمالىم ەتكەنىندەي، مەرۋەرت كاۋكەيەۆا (تالدىقورعان)، يۋليا يگناتچەنكو (الماتى)، بوريس كراۆچۋك (قوستاناي) جانە ۆلادلەنا سامەنكوۆا (اقتوبە) ۋيمبلدون جارىسىندا تورەلىك جاساپ، دەڭگەيلەرىنىڭ جوعارى ەكەندىگىن كورسەتە ءبىلدى.
بوريس پەن ۆلادلەنا ىرىكتەۋ سايىستارىندا جانە جاسوسپىرىمدەر تۋرنيرىنە قازىلىق ەتتى. ال مەرۋەرت پەن يۋليا ەرلەر جانە ايەلدەر اراسىندا جەكەلەي سىندا نەگىزگى دودادا تورەشى بولدى.
«قازاقستاندا قازىلىقتى دامىتۋ باعدارلاماسى ەكى باعىتتا العا جىلجىپ كەلەدى. ءبىرى - جاڭا كادرلاردى تارتۋ جولىمەن سەمينارلار وتكىزۋ ارقىلى ۇلتتىق سانات تورەشىلەرىن دايارلاۋ. ەكىنشىسى - حالىقارالىق سەمينارلار مەن قازىلىق مەكتەپتەر ارقىلى الەمدىك دەڭگەيدەگى رەفەريلەردى تاربيەلەۋ»، دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن يۋليا پۋتينتسيەۆانىڭ بۋداپەشت ءتۋرنيرىنىڭ شيرەك فينالىنا وتكەنىن جازعان بولاتىنبىز.
