اجار عينيات وميكرون شتامىنىڭ تارالۋ قارقىنى جايىندا ايتتى

نۇر-سۇلتان. قازاقپارات - دەنساۋلىق ساقتاۋ ءمينيسترى اجار عينيات كوروناۆيرۋستىڭ وميكرون شتامىنىڭ تارالۋىنا قاتىستى ايتىپ بەردى، دەپ حابارلايدى قازاقپارات ءتىلشىسى.

«سوڭعى اپتادا الەمنىڭ 108 ەلىندە سىرقاتتانۋ دەڭگەيىنىڭ ءوسۋى بايقالىپ وتىر. ونىڭ ىشىندە جاپونيادا سوڭعى اپتادا سىرقاتتانۋ 112 پايىزعا (169 مىڭ جاعدايدان 360 مىڭ جاعدايعا دەيىن)، ارمەنيادا 103 پايىزعا (174 جاعدايدان 354 جاعدايعا دەيىن)، ۆەنگريادا 72 پايىزعا (4663 جاعدايدان 8036 جاعدايعا دەيىن) ، قىتايدا 28 پايىزعا (571 جاعدايدان 733 جاعدايعا دەيىن)، رەسەيدە 12 پايىزعا (21 مىڭنان 23 مىڭ جاعدايعا دەيىن) وسكەن»، - دەدى ا. عينيات ورتالىق كوممۋنيكاتسيالار قىزمەتىندە.

ونىڭ ايتۋىنشا، COVID-19 وميكرون شتامى بارلىق ەلدە نەگىزگى ۆيرۋس بولىپ تىركەلدى. ونىڭ ۇلەسى زەرتتەلگەن ۇلگىلەردىڭ 92 پايىزىن قۇرايدى. وميكرون شتامىنىڭ اراسىندا BA.5 جانە BA.4 ۇلەسى ارتىپ كەلەدى.

«سونىڭ ىشىندە ۆيرۋستىڭ BA.5 ءتۇرى 83 ەلدە انىقتالدى. قازاقستاندا ماۋسىم ايىندا جۇرگىزىلگەن زەرتتەۋ قورىتىندىسى بويىنشا وسى وميكرون ۆا.5 نۇسقاسى 70 پايىزدى قۇراپ وتىر»، - دەدى مينيستر.