قىتايلىق كولىك قازاقستانداعى ەڭ تانىمال اۆتوبرەندكە اينالدى
مىڭنان استام قازاقستاندىق Chery اۆتوكولىگىن تاڭدادى. برەند وكىلدەرى مەرەيتويلىق ساتىپ الۋشىنى سالتاناتتى تۇردە قۇتتىقتادى.
ماۋسىم ايىنىڭ قورىتىندىسى بويىنشا، Chery ەلىمىزدەگى قىتايلىق اۆتوكولىك برەندتەرىنىڭ اراسىنداعى ەڭ كوپ ساتىلعان كولىك ماركاسى اتاندى. قازاقستان اۆتوبيزنەس قاۋىمداستىعىنىڭ دەرەكتەرىنە سۇيەنسەك، Chery ەلدەگى ەڭ تانىمال 10 اۆتوبرەندتىڭ ىشىندە جەتىنشى ورىنعا كوتەرىلگەن. اتاپ ايتساق، ولار: Chevrolet, Hyundai, Kia, Lada, Toyota, Lexus, Chery, Jac, Exeed جانە Renault.
كومپانيا بۇنداي قوماقتى ناتيجەگە نەبارى جارتى جىلدىڭ ىشىندە قول جەتكىزدى: برەند قازاقستانعا رەسمي تۇردە 2021 -جىلدىڭ سوڭىندا كەلدى، ال ساتىلىم 10-جەلتوقساننان باستالدى.
ال شىلدە ايىندا اتالعان كومپانيا العاشقى جوعارى ناتيجەسى تۋرالى حابارلادى - ساتىلعان اۆتوكولىكتەردىڭ سانى مىڭنان استى. نۇر- سۇلتان قالاسىنىڭ تۇرعىنى الۋا بەلگىبايەۆا مەرەيتويلى كليەنت اتاندى. Chery Tiggo 8 Pro اۆتوكولىگىن الۋا My car Finance سەرىكتەستىك كومپانياسى ارقىلى ساتىپ الدى.
«Chery-دىڭ مىڭىنشى ساتىپ الۋشىسى بولعانىما قۋانىشتىمىن. بۇل تاڭداۋعا مەن سانالى تۇردە كەلدىم. ماعان كولىكتى تاڭداۋعا كومەكتەسكەن مەنەدجەرلەرگە العىسىم شەكسىز»، - دەدى ساتىپ الۋشى.
Chery قازاقستان نارىعىنا قالاي كەلەدى
اۆتوكولىكتەردى قازاقستانعا قىتايدان تىكەلەي تەمىرجول ارقىلى جەتكىزەدى. سودان سوڭ ولاردى الماتى، نۇر-سۇلتان، شىمكەنت، اقتوبە، اتىراۋ، قاراعاندى، قوستاناي، پاۆلودار جانە ورال قالالارىنداعى ديلەرلىك ورتالىقتارعا تاراتادى. جىل سوڭىنا دەيىن تاعى 8 اۆتوورتالىق اشىپ، ديلەرلىك ورتالىقتارمەن اقتاۋ، وسكەمەن، تاراز جانە جەزقازعان قالالارىن قامتۋ جوسپاردا بار.
«قازىرگى تاڭدا ءبىز ءتورت مودەل ۇسىنىپ وتىرمىز - Tiggo 4, Tiggo 7 Pro, Tiggo 8 جانە Tiggo 8 Pro. بۇل قازاقستاندىق تۇتىنۋشىعا وتە تانىس اۆتوكولىكتەر. وسى جازدا تاعى ەكى مودەلدى ۇسىنامىز - Tiggo 8 Pro Max جانە Tiggo 4 Pro. جالپى جىل سوڭىنا دەيىن 2,5 مىڭ اۆتوكولىكتىڭ كەلۋىن كۇتىپ وتىرمىز»، - دەدى First Motor Company ديرەكتورى نۇرلان شامگونوۆ.
ءتيىمدى ساۋدا
Chery كروسسوۆەرلەرىن بارلىق ديلەرلىك ورتالىقتاردا تولەم مەرزىمىن ۇزارتىپ ساتىپ الۋعا بولادى. ساتىپ الۋشىلار ءۇشىن Mycar Finance كومپانياسى تومەندەتىلگەن سىياقى مولشەرلەمەسى مەن بونۋستىق شارتتارى بار ارنايى باعدارلامالارىن ازىرلەگەن.
مىسالى، Light Chery 20/80 مەن Light Chery 30/70 اتتى اۆتونەسيەلەرى. شارت بويىشا، نەسيە اي سايىنعى تولەمدەرسىز 1 جىلعا بەرىلەدى جانە جىلدىق ءتيىمدى سىياقى مولشەرلەمەسى 14,8 پايىزدان باستالادى. نەبارى 20 پايىز نە 30 پايىز باستاپقى جارنانى تولەپ سۋ جاڭا كولىكتىڭ يەسى اتانۋعا بولادى.
MyCar Finance ۇسىنعان Chery Standard پاكەتتىك ۇسىنىسىنا دا نازار اۋدارعان ءجون: اۆتونەسيە بەرۋدىڭ ۇزارتىلعان مەرزىمى – 120 ايعا دەيىن؛ ءبىرىنشى جىلى تومەندەتىلگەن سىياقى مولشەرلەمەسى - 15,8 پايىز، سجتم (سىياقىنىڭ جىلدىق ءتيىمدى مولشەرلەمەسى) - 22,8 پايىز.
تولىق اقپاراتتى Chery.kz سايتىنان نەمەسە 7007 بايلانىس نومەرى ارقىلى بىلە الاسىز.
Tengrinews.kz
