پرەزيدەنت پرەمەر-ءمينيستردىڭ وتستاۆكاعا كەتۋىن قابىلدامادى
مينيسترلەر كابينەتىنىڭ باسشىسى بۇعان دەيىن باسقارۋشى كواليتسياداعى سەرىكتەستەرمەن كەلىسپەۋشىلىكتەرگە بايلانىستى قىزمەتىنەن كەتەتىنىن مالىمدەگەن، دەپ حابارلايدى قازاقپارات euronews.com-كە سىلتەمە جاساپ.
بەيسەنبى كۇنى دراگي ۇكىمەتى سەناتتىڭ قولداۋىنا يە بولدى. الايدا «بەس جۇلدىز قوزعالىسىنىڭ» دەپۋتاتتارى داۋىس بەرۋگە قاتىسقان جوق. ولار زاڭ جوباسىنىڭ ەنەرگەتيكالىق داعدارىس پەن ينفلياتسيادان زارداپ شەككەندەرگە كومەك ءبولۋ تۋرالى ءبىر تارماعىمەن كەلىسپەي، باسقارۋشى كواليتسيادان شىعامىز دەپ قورقىتتى.
دراگي مۇنداي جاعدايدا وتستاۆكاعا كەتەتىنىن بۇعان دەيىن دە مالىمدەگەن بولاتىن. بەس جۇلدىز قوزعالىسىندا بۇعان دەيىن دە كەلىسپەۋشىلىك بولىپ، سىرتقى ىستەر ءمينيسترى لۋيدجي دي مايو قۇرامنان شىعىپ كەتكەن. ول پارتيا جەتەكشىسى دجۋزەپپە كونتەنى ۋكرايناعا كومەكتەسۋگە نيەت بىلدىرمەگەنى ءۇشىن ايىپتايدى. دي مايونىڭ جاقتاستارى قازىرگى ۇكىمەتتى قولدايدى.
ءبىراق «بەس جۇلدىز» كواليتسيادان شىعۋعا شەشىم قابىلداسا، ولاردىڭ سوڭىنان كورونا داعدارىسىمەن جانە ونىڭ سالدارىمەن كۇرەسۋ ءۇشىن وتكەن جىلى قۇرىلعان اليانستىڭ باسقا مۇشەلەرى ەرۋى مۇمكىن.
