07:56, 15 - شىلدە 2022 | GMT +5
مايمىل شەشەگىنىڭ بەلگىلەرى قانداي
نۇر-سۇلتان. قازاقپارات - قازاقستاندا كوروناۆيرۋستىڭ تارالۋىنا قارسى ۆەدومستۆوارالىق كوميسسيا مايمىل شەشەگىنەن ساقتانۋ كەرەكتىگىن ەسكەرتەدى، دەپ حابارلايدى قازاقپارات.
كوميسسيا مالىمەتىنە سەنسەك، مايمىل شەشەگىنىڭ نەگىزگى بەلگىلەرى - قىزبا جانە باس اۋرۋى، جۇرەك اينۋ، ليمفا تۇيىندەرىنىڭ قابىنۋى. سودان كەيىن ءبىر جەردە 3-5 كۇننەن باستاپ (ينفەكتسيادان كەيىن) بورتپە پايدا بولادى.
«بورتپە - ەڭ الدىمەن داقتار، سودان كەيىن وندا ءمولدىر سۋلى كوپىرشىكتەرگە تولى ىسىك پايدا بولادى. ولار سوسىن ىرىڭدەۋى مۇمكىن. سودان كەيىن ۋاقىت وتە كەلە بەتى الىنىپ ءتۇسىپ كەتەتىن قىرتىستار پايدا بولادى. تابيعي شەشەك تىرتىق قالدىرادى، مايمىل شەشەگىندە تىرتىق بولمايدى. شەشەك اۋرۋى پايدا بولعان بورتپە وزدىگىنەن كەتەدى، قوسىمشا ەمدەۋ قاجەت ەمەس. الايدا، كەز كەلگەن جاعدايدا كەڭەس الۋ ءۇشىن دارىگەرمەن كەڭەسۋ كەرەك» دەپ ەسكەرتەدى ۆەدومستۆوارالىق كوميسسيا.
