ەكولوگيا مينيسترلىگىندە كيىكتەردىڭ پوپۋلياتسياسىن باسقارۋدىڭ جاڭا تاسىلدەرى تالقىلاندى
وعان عىلىمي ۇيىم مۇشەلەرى، مۇددەلى مەملەكەتتىك ورگاندار، سونداي-اق اڭشىلاردىڭ قوعامدىق بىرلەستىكتەرى قاۋىمداستىقتارى قاتىستى، دەپ حابارلايدى قازاقپارات ەكولوگيا، گەولوگيا جانە تابيعي رەسۋرستار مينيسترلىگىنىڭ باسپا ءسوز قىزمەتىنە سىلتەمە جاساپ.
باسپا ءسوز قىزمەتىنىڭ مالىمەتتەرىنە قاراعانا، زوولوگيا ينستيتۋتى مەن قازاقستاننىڭ بيوالۋانتۇرلىلىكتى ساقتاۋ قاۋىمداستىعىنىڭ وكىلدەرى ءار پوپۋلياتسيانىڭ وڭتايلى سانىن انىقتاۋ، ءتيىمدى مونيتورينگ جانە تۇراقتى باسقارۋ ءۇشىن قازاقستانداعى كيىك پوپۋلياتسياسى ارەالىنداعى ەكوجۇيەلەردى كەشەندى باعالاۋ بويىنشا تەرەڭ عىلىمي زەرتتەۋلەر جۇرگىزۋ قاجەتتىلىگى تۋرالى ۇسىنىس ايتتى.
كيىكتى ساقتاۋ تۇرعىسىنان، ونى قورعاي وتىرىپ، ورىندى پايدالانۋ كەزىندە كيىك تارالىمىنىڭ بارىنشا مۇمكىن بولاتىن مولشەرىن ۇستاپ تۇرۋ نەعۇرلىم ورىندى بولادى.
«مۇنداي پوپۋلياتسيانى باسقارۋ مۇقيات دايىندىقتى قاجەت ەتەدى. اتالمىش جۇمىس باستالىپ كەتتى جانە مينيسترلىكپەن، بارلىق مۇددەلى تاراپتاردىڭ باقىلاۋىمەن، جۇرتشىلىقتى حاباردار ەتە وتىرىپ جۇرگىزىلەتىن بولادى»، - دەلىنگەن حابارلامادا.
سونداي-اق، جيىندا سەرىكقالي برەكەشيەۆ اۋىل شارۋاشىلىعى مينيسترلىگىنە جابايى اڭدار كەلتىرگەن زياندى ەسەپتەۋ ادىستەمەسىن ازىرلەۋ جانە فەرمەرلەرگە كەلتىرىلگەن زالالدى وتەۋ ماسەلەلەرىن قاراۋ قاجەت ەكەنىن اتاپ ءوتتى.
