قازاقستاندىق شاۆكات راحمونوۆ جاھاندىق رەيتينگىنىڭ ۇزدىك وندىعىنا ەندى

نۇر- سۇلتان. قازاقپارات - MMAFighting.com سايتى ارالاس جەكپە-جەك بويىنشا بارلىق سالماق كاتەگوريالارىنداعى ەڭ مىقتى بوكسشىلار جاھاندىق رەيتينگىنىڭ جاڭارتىلعان نۇسقاسىن ۇسىندى، دەپ حابارلايدى قازاقپارات Sports.kz سايتىنا سىلتەمە جاساپ.

باسىلىم رەيتينگى تەك ءبىر م م ا ۇيىمىمەن شەكتەلمەيدى جانە وعان ءارتۇرلى ليگالاردىڭ (UFC، Bellator، ONE FC جانە ت. ب) سپورتشىلارى كىرىپ وتىر.

جارتىلاي ورتا سالماقتاعى رەيتينگ كەستەسىندە ونەر كورسەتەتىن قازاقستاندىق شاۆكات راحمونوۆ 13- ورىننان سەگىزىنشىگە كوتەرىلگەن. ماۋسىم ايىنىڭ سوڭىندا «نوماد» لاقاپ اتىمەن بەلگىلى سپورتشى امەريكالىق فايتەر نيل مەگنيدى تۇنشىقتىرۋ ادىسىمەن جەڭگەن.

MMAFighting.com نۇسقاسى بويىنشا جارتىلاي ورتا سالماقتاعى رەيتينگ تومەندەگىدەي:

1. كامارۋ ۋسمان

2. كولبي كوۆينگتون

3. حامزات چيمايەۆ

4. لەون ەدۆاردس

5. گيلبەرت بەرنس

6. بەلال مۋحامماد

7. ياروسلاۆ اموسوۆ

8. شاۆكات راحمونوۆ

9. ۆيسەنتە لۋكە

10. شون برەدي

11. ستيۆەن تومپسون

12. مايكل كەزا

13. لوگان ستورلي

14. روبەرتو سولديچ

15. كيەۆين حوللاند.