ەلوردادا كوپىردەن شىققان ورتتەن ەشكىم زارداپ شەككەن جوق

نۇر-سۇلتان. قازاقپارات - ەلورداداعى «ارقار» كوپىرىنەن شىققان ءورت ءسوندىرىلدى، دەپ حابارلايدى قازاقپارات ءتىلشىسى.

قالالىق توتەنشە جاعدايلار دەپارتامەنتىنىڭ مالىمەتىنشە، سارايشىق كوشەسى بويىنداعى كوپىردىڭ تىرەك باعاندارىنداعى ەلەكتر كابەلى 40 مەتر بويى جانعان.

«وقيعا ورنىندا ەلەكتر كابەلدەرىن توقتان اجىراتۋ جۇمىستارىن جۇرگىزۋ ءۇشىن استانانىڭ ايماقتىق ەلەكتر جەلىسى كومپانياسىنىڭ قىزمەتى شاقىرىلدى. وسىدان كەيىن ءورت سوندىرۋشىلەر قىزىل جالىندى سوندىرۋگە كىرىستى. ساعات 17:54 دە ءورت وقشاۋلانىپ، 18:05 تە تولىعىمەن ءسوندىرىلدى. زارداپ شەككەندەر مەن قازا تاپقاندار جوق»، - دەپ اتاپ وتەدى ۆەدومستۆودان.

بۇعان دەيىن «ارقار» كوپىرىنەن ءورت شىققانىن حابارلاعان ەدىك.