پرەزيدەنت ەۋروپا وداعىنىڭ ورتالىق ازيا جونىندەگى ارناۋلى وكىلى تەري حاكالامەن كەزدەستى
كەزدەسۋ بارىسىندا قازاقستان مەن ەۋروپا وداعى اراسىنداعى سەرىكتەستىكتىڭ وزەكتى ماسەلەلەرى تالقىلاندى.
قاسىم- جومارت توقايەۆ قازاقستاننىڭ ماڭىزدى سەرىكتەستەرىنىڭ ءبىرى ەۋروپا وداعىمەن كوپجاقتى ىقپالداستىقتى دامىتۋعا مۇددەلى ەكەنىن ناقتىلاپ، ەكىجاقتى ستراتەگيالىق ىنتىماقتاستىققا تىڭ سەرپىن بەرۋگە دايىن ەكەنىن جەتكىزدى.
قازاقستان پرەزيدەنتى جۋىردا وتكەن كونستيتۋتسيالىق رەفەرەندۋم مەن جاڭا، ادىلەتتى قازاقستاندى قۇرۋعا قاتىستى رەفورمالار تۋرالى ايتتى.
ءوز كەزەگىندە تەري حاكالا پرەزيدەنتتى رەفەرەندۋمنىڭ ءساتتى وتۋىمەن قۇتتىقتاپ، بريۋسسەلدىڭ ورتالىق ازيا ايماعىنداعى جەتەكشى سەرىكتەسى قازاقستانمەن ۇزاق مەرزىمدى ىنتىماقتاستىق پەن ىقپالداستىقتى جالعاستىرۋعا ەۋروپا وداعىنىڭ بەيىلدى ەكەنىن ناقتىلادى.
سونىمەن قاتار ول ەۋروپا وداعى مەملەكەت باسشىسىنىڭ رەفورمالار جۇرگىزۋ باعدارلاماسىنا جان- جاقتى قولداۋ كورسەتەتىنىن، قازاقستاننىڭ كوپ ۆەكتورلى جانە تەڭگەرىمدى سىرتقى ساياساتىن جوعارى باعالايتىنىن مالىمدەدى.
ەۋروپا وداعى قازاقستانمەن كولىك- لوگيستيكالىق بايلانىستاردى نىعايتۋعا زور قىزىعۋشىلىق تانىتتى.
بۇدان بولەك ولار وڭىرلىك جانە جاھاندىق كۇن تارتىبىندەگى وزەكتى ماسەلەلەر جونىندە جان- جاقتى پىكىر الماستى.
