الماتىدا كوروناۆيرۋسپەن اۋىراتىنداردىڭ باسىم بولىگى بالالار
بۇل تۋرالى ي. جەكەنوۆا اتىنداعى قالالىق كلينيكالىق ينفەكتسيالىق اۋرۋحانانىڭ باس دارىگەرىنىڭ ورىنباسارى تامارا ۋتاگانوۆا ايتتى، دەپ حابارلايدى قازاقپارات ءتىلشىسى.
دارىگەردىڭ ايتۋىنشا، الماتىدا كوروناۆيرۋس جۇقتىرعان 140 ادام ەم الۋدا. ونىڭ باسىم بولىگى بالالار. اراسىندا 5 جاسقا دەيىنگى بالالار بار. سونىمەن قاتار، ەرەسەكتەر اراسىندا ءقاۋىپ- قاتەر توبىنا جاتاتىن قارتتار مەن جۇكتى ايەلدەر بار. ولاردىڭ سانى بالالارعا قاراعاندا از.
«الماتىدا بۇگىندە وتكەن جىلدارداعىداي ماۋسىمعا بايلانىستى باسقا دا جۇقپالى اۋرۋلار بار. مىسالى، قازىرگى جەدەل ىشەك ينفەكتسياسىنىڭ مەزگىلى. وسىعان وراي، ونىمەن اۋىراتىندار كەزدەسەدى. كۇندەلىكتى ءبىزدىڭ اۋرۋحاناعا 15 كە دەيىن ادام كەلىپ، قارالادى، 10 شاقتى ادام اۋرۋحاناعا جاتادى. سوندىقتان ءبىز قازىر كوروناۆيرۋستان بولەك، جىل سايىن كەزدەسەتىن جۇقپالى اۋرۋلاردىڭ الدىن الۋ جۇمىستارىمەن اينالىسۋدامىز»، - دەدى تامارا ۋتاگانوۆا.
ول سونداي- اق جەدەل رەسپيراتورلى ۆيرۋستىق ينفەكتسيا بويىنشا قازىر جاعداي تۇراقتى ەكەنىن ايتتى.
«قازىر تۇرعىندار اراسىندا ۆاكسينا العاندار، ريەۆاكسيناناتسيا جاساعاندار وتە كوپ. ونىڭ ۇستىنە قايتا يمۋنيزاتسيا، قايتا ريەۆاكسيناتسيا الىپ جاتقاندار سانى كوپ. سوندىقتان ەگەر اۋرۋدىڭ سانىنا ەمەس، ساپاسى جاعىنان اۋىرلىعىنا قارايتىن بولساق، جاعداي الدەقايدا تۇراقتى»، - دەدى دارىگەر.
