كەلەشەكتە بۇقتىرما ەلدەگى كەز كەلگەن كۋرورتتان اسىپ تۇسەدى - دانيال احمەتوۆ

نۇر- سۇلتان. قازاقپارات - شىعىس قازاقستان وبلىسىندا بۇقتىرما جاعالاۋىن اباتتاندىرۋعا باسا كوڭىل بولىنەدى. بۇل تۋرالى ايماق اكىمى دانيال احمەتوۆ ايتتى، دەپ حابارلايدى قازاقپارات ءتىلشىسى.

«ىشكى ءتۋريزمدى دامىتۋعا ەرەكشە كوڭىل بولىنۋدە. جىل باسىنان بەرى بۇل سالاعا 5,4 ميلليارد تەڭگە ينۆەستيتسيا تارتىلدى، ونىڭ ىشىندە 1,5 ميلليارد تەڭگەگە قاتون- قاراعاي اۋدانىنىڭ ورەلى اۋىلىندا 250 ورىندىق تۋريستىك كەشەن سالىندى. وسىلايشا كىشكەنتاي اۋىلدا ۇلكەن تاماشا قوناقۇي سالىندى»، - دەدى د. احمەتوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، اكىمنىڭ ايتۋىنشا، 12 ميلليارد تەڭگەگە 36 جوبانى جۇزەگە اسىرۋ، ونىڭ ىشىندە بۇقتىرما سۋ قويماسى جاعالاۋىندا 12 دەمالىس بازاسىن سالۋ جۇمىستارى باستالدى.

«ءبىز الاكول كولىن دامىتۋعا 17 ميلليارد تەڭگە جۇمسادىق، قازىر باعىتىمىزدى وزگەرتىپ، ءوزىمىزدىڭ بۇقتىرما جاعالاۋىن دامىتۋعا اۋىسىپ جاتىرمىز. بىزگە ءۇش جىل ۋاقىت كەرەك، سوندا بۇل جاعالاۋ ەلدەگى كەز كەلگەن كۋرورتتىق ايماقپەن باسەكەگە تۇسە الادى، ءتىپتى اسىپ تا كەتەمىز. بۇلاي سەنىمدى ايتۋىمنىڭ سىرى نەدە؟ تەك قانا ءبىزدىڭ وبلىستا مارال مۇيىزىمەن ەمدەۋ ءۇشىن تابيعي رەسۋرس بار. بۇل ءبىز دامىتاتىن باعىتتاردىڭ ءبىرى بولادى، دامىتۋدى باستاپ تا كەتتىك»، - دەدى ش ق و اكىمى.

بۇعان دەيىن دانيال احمەتوۆ قاڭتار وقيعاسى كەزىندە الاڭدا، حالىقتىڭ اراسىندا بولعانىن ايتقان ەدى.