كاپيتالدى قايتارۋعا باعىتتالعان شارالاردى جەدەل قابىلداۋ كەرەك - پرەزيدەنت

نۇر- سۇلتان. قازاقپارات - بيزنەسكە قىسىم كورسەتكەن قۇقىق قورعاۋ ورگاندارىنا قاتىستى قاتاڭ شارالار قابىلدانادى. بۇل تۋرالى ۇكىمەتتىڭ كەڭەيتىلگەن وتىرىسىندا پرەزيدەنت قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«ەكونوميكالىق رەسۋرستاردىڭ زاڭسىز شوعىرلانۋىنا قارسى ءىس- قيمىل مەن زاڭسىز جولمەن الىنعان مۇلىكتى قايتارۋ بويىنشا جۇمىستار باستالدى. وسى ورايدا ءتيىستى كوميسسيالار قۇرىلدى. الايدا سوڭعى كەزدەرى ولاردىڭ بەلسەندىگى باسەڭدەدى. تاۋار نارىقتارىن مونوپولياسىزداندىرۋ مەن كاپيتالدى قايتارۋعا باعىتتالعان شارالاردى جەدەل قابىلداۋ كەرەك»، - دەدى قاسىم- جومارت توقايەۆ.

سونىمەن قاتار پرەزيدەنت ءوز ءىسىن ادال اتقارىپ كەلە جاتقان بيزنەسكە كەدەرگى كەلتىرۋ ارەكەتتەرىنە جول بەرمەۋدى تاپسىردى.

«مۇنداي دەرەكتەر بىزدە كەزدەسىپ جاتادى. جەرگىلىكتى جەرلەردە كاسىپكەرلەرگە قىسىم كورسەتۋ جاعدايلارى قايتا- قايتا جالعاسىپ كەلەدى. ەگەر بۇلاي جالاعاسا بەرسە، وندا قۇقىق قورعاۋ ورگاندارىنىڭ وزدەرىنە قاتىستى قاتاڭ شارالار قابىلدايمىز»، - دەدى مەملەكەت باسشىسى.