قاسىم-جومارت توقايەۆ جاستارى جۇمىسسىز جۇرگەن وڭىرلەردى اتادى

نۇر-سۇلتان. قازاقپارات - جىل سوڭىندا جاستاردى جۇمىسپەن قامتي الماعان وڭىرلەر اكىمدەرىنىڭ جۇمىسىنا قورىتىندى بەرىلۋى مۇمكىن.
None

ق ر پرەزيدەنتى قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا وسىنى ءمالىم ەتتى، دەپ حابارلايدى قازاقپارات ءتىلشىسى.

«قازىرگى تاڭدا جاستاردى جۇمىسپەن قامتۋعا باسا نازار اۋداراتىن كەز كەلدى. جىل سايىن ەڭبەك نارىعىنا 300 مىڭعا جۋىق جاس شىعادى. ەلىمىزدە وسكەلەڭ ۇرپاقتىڭ ءوزىن-ءوزى دامىتۋىنا جاعداي جاسالىپ جاتىر. ءبىراق، ناقتى شارالارعا قاراماستان، جاستاردى جۇمىسپەن قامتۋ ماسەلەسى تولىق شەشىلمەي كەلەدى»، - دەدى پرەزيدەنت.

قاسىم-جومارت توقايەۆتىڭ ايتۋىنشا، كەيبىر ايماقتا جاستار اراسىنداعى جۇمىسسىزدىق دەڭگەيى ەلىمىزدەگى ورتاشا كورسەتكىشتەن ايتارلىقتاي جوعارى.

«اسىرەسە، نۇر-سۇلتان، الماتى قالالارى، الماتى، قاراعاندى، سولتۇستىك قازاقستان جانە شىعىس قازاقستان وبلىستارى - سونىڭ قاتارىندا. ۇكىمەت جانە وبلىس اكىمدەرى وسى ماسەلەگە ايرىقشا نازار اۋدارۋعا ءتيىس. جىل اياقتالعاندا ءتيىستى قورىتىندىسىن شىعارامىز»، - دەدى مەملەكەت باسشىسى.

ايتا كەتەيىك، پرەزيدەنت قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر.

سوڭعى جاڭالىقتار