12:25, 14 - شىلدە 2022 | GMT +5
ەلىمىزدە كوروناۆيرۋسقا قاتىستى احۋال كۇردەلەنە ءتۇستى - توقايەۆ
نۇر-سۇلتان. قازاقپارات - الماتى «قىزىل» ايماققا قايتا كىرۋى مۇمكىن.
بۇل تۋرالى ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا كوروناۆيرۋس جۇقتىرعاندار كوبەيىپ كەلەدى. سوڭعى ەكى اپتادا ناۋقاستاردىڭ سانى 30 پايىزعا ارتقان. ءبىزدىڭ ەلدە دە احۋال كۇردەلەنە ءتۇستى. الماتى «قىزىل» ايماققا قايتا كىرۋى مۇمكىن. نەگىزگى سەبەپ - تۇرعىندار مەن دارىگەرلەردىڭ قاۋىپسىزدىك شارالارىن ساقتاماۋى»، - دەدى قاسىم-جومارت توقايەۆ. مەملەكەت باسشىسى مەكەمەارالىق كوميسسيانىڭ جۇمىسىن كۇشەيتۋ قاجەتتىگىن باسا ايتتى.
«سونداي- اق، ريەۆاكتسيناتسيا ناۋقانىن جانداندىرعان ءجون. بۇل جۇمىستا ەشقانداي اسىرا سىلتەۋ بولماۋى كەرەك. شاعىن جانە ورتا بيزنەستىڭ مۇددەسىن ەسكەرگەن ابزال»، - دەدى قازاقستان پرەزيدەنتى.
