باقىت سۇلتانوۆ پەن ەربول قاراشوكەەۆكە سوگىس جاريالايمىن - پرەزيدەنت

نۇر-سۇلتان. قازاقپارات - ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ قانت تاپشىلىعىن رەتتەي الماعان ساۋدا جانە ينتەگراتسيا ءمينيسترى باقىت سۇلتانوۆ پەن اۋىل شارۋاشىلىعى ءمينيسترى ەربول قاراشوكەيەۆكە سوگىس جاريالادى، دەپ حابارلايدى قازاقپارات ءتىلشىسى.

«بۇگىندە بۇرىن ىسكە قوسىلعان جەتى قانت زاۋىتىنىڭ تورتەۋى عانا جۇمىس ىستەپ تۇر - الماتى جانە جامبىل وبلىستارىندا. ولاردىڭ ءوزى تەك ۇشتەن ءبىر قۋاتىمەن عانا جۇمىس ىستەيدى. جۇكتەلىمى - %31 عانا. اۋىل شارۋاشىلىعى مينيسترلىگى قىزىلشا قانتىنىڭ ۇلەسىن 2026 -جىلعا قاراي 6 ەسە %7- دان %43- عا دەيىن كوبەيتۋدى جوسپارلاپ وتىر. الايدا، كەيىنگى ءتورت جىلدا قانت قىزىلشاسىنىڭ القابى ۇشتەن بىرگە قىسقارىپ كەتكەن»، - دەدى قاسىم-جومارت توقايەۆ. پرەزيدەنت قازاقستاننىڭ سىرتتان كەلەتىن قانتقا %90 تاۋەلدى ەكەنىن ەسكە سالدى.

«بۇل جەردە ەۋرازيالىق ەكونوميكالىق وداقتىڭ اياسىنداعى شەشىمدەرگە سىلتەۋگە بولادى. ءبىراق، بۇل - ءبارىبىر ۇكىمەتتىڭ زور كەمشىلىگى، ياعني مەملەكەتتىڭ ۇستانىمىن قورعاي المادى. سوندىقتان، مەن مينيسترلەر باقىت سۇلتانوۆ پەن ەربول قاراشوكەيەۆكە سوگىس جاريالايمىن. ۇكىمەتكە شۇعىل تارتىپتە قانت سالاسىن دامىتۋدىڭ جەكە سالالىق جوباسىن ازىرلەۋ كەرەك. ونداعى ماقسات - يمپورتقا تاۋەلدىلىكتى ايتارلىقتاي قىسقارتىپ، وزىندىك قامتاماسىز ەتۋگە بىرتىندەپ كوشۋ»، - دەدى مەملەكەت باسشىسى.

ايتا كەتەيىك، پرەزيدەنت قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر.