وتانىنان جىراقتا جۇرگەن ارۋ قازاق حالقىنا ءتانتى

نۇر-سۇلتان. قازاقپارات - ۋكراين قىزى ناديانىڭ ايتۋىنشا، ول تابانى قازاق جەرىنە ءتيىپ، اۋاسىمەن تىنىستاعان ساتتەن باستاپ ءوزىن وتە جايلى سەزىنگەن.
None
None

قازاق ەلىنىڭ كەڭپەيىلدى ەكەنىن بايقاپ، قۋاندى، دەپ حابارلايدى «حابار 24».

الماتىعا ەكى جىل بۇرىن كوشىپ كەلدى. ورنالاسىپ، قوعامدىق ورتاعا بوي ۇيرەتكەن سوڭ العان اسەرلەرىمەن الەۋمەتتىك جەلىدە كوپشىلىكپەن بولىسە باستايدى. ءوزىنىڭ جازبالارىندا قازاق ءتىلىن ۇيرەنەتىندىگىن ۇنەمى ايتۋمەن كەلەدى.

«تۇسىرگەن بەينەلەرىمدى تيك-توك جەلىسىنە جۇكتەدىم. ونى كورگەندەر ماعان قولداۋ ءبىلدىرىپ جاتتى. ادامداردىڭ شىنايى قامقورلىعىنىڭ ارقاسىندا قازاق ءتىلىن مەڭگەرۋگە قۇلشىنىسىم ارتا ءتۇستى»، دەيدى فوتوگراف، بلوگەر ناديا زاحاروۆا.

ناديا فوتوسۋرەت ءتۇسىرۋدى ۇناتادى. 15 جاسىندا العاش رەت فوتواپپاراتتى قولىنا العان. سودان بەرى ۇنەمى ادەمى كورىنىستەردى ىزدەيدى. اسىرەسە، وتباسىلىق ءومىردىڭ جارقىن ساتتەرىن فوتوعا باسۋعا قۇمار.

«قازاقستاندا پەرزەنتتىڭ دۇنيەگە كەلۋىنە اتا-انالارى مەن جاقىندارى قاتتى قۋانادى. ارتى تويعا ۇلاسادى»، - دەيدى ۋكراين قىزى.

«پەرەزەنتحانادا فوتوگراف بولىپ جۇمىس ىستەيمىن. سىزدەردە بالانىڭ جارىق دۇنيەگە كەلۋى ناعىز مەرەكە. بىزدە ولاي ەمەس. ەشكىم دۋمانداتپايدى. ءتىپتى، ەلەۋسىز وتەدى. سودان كەيىن سىزدەردە ۇلكەن كىسىلەرگە دەگەن سىيلاستىق پەن قۇرمەت بار»، دەيدى فوتوگراف، بلوگەر ناديا زاحاروۆا.

قازاقستانعا كەلىن بولىپ كەلگەن ۋكرايندىق ناديا از ۋاقىتتا قوعامعا بەيىمدەلدى. قولداۋشىلار مەن جاڭا دوستار تاپتى. جۇمىستان قولى بوساعان كەزدە الماتىنىڭ اسەم جەرلەرىن ارالاپ، تابيعات پەن ادامداردى سۋرەتكە تۇسىرەدى.

سوڭعى جاڭالىقتار