قىتايدا ايەلدەردىڭ دامۋ ماسەلەسىنە قاتىستى فورۋم ءوتتى
جيىندا ايەلدەردى دامىتۋ بويىنشا بىرلەسكەن جۇمىس ناتيجەلەرى تالقىلاندى. فورۋم قىتاي مەن ورتالىق ازيا ەلدەرى اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىنا ارنالدى. وعان قىتايدان، ورتالىق ازيانىڭ بەس ەلىنەن 200-دەن استام دەلەگات جانە شاڭحاي ىنتىماقتاستىق ۇيىمىنىڭ وكىلدەرى قاتىستى. جيىننان ءبىزدىڭ ەل دە تىس قالعان جوق. پرەزيدەنت جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ ءتورايىمى، پرەزيدەنت اكىمشىلىگى باسشىسىنىڭ ورىنباسارى ايدا بالايەۆا ونلاين قاتىستى.
«بۇل مىندەتتەمەلەردى ءبىز وزىمىزگە 1995 -جىلى بەيجىڭ ءىس-قيمىل پلاتفورماسىنا قول قويۋ، سونداي- اق 1998 -جىلى ايەلدەرگە قاتىستى كەمسىتۋشىلىكتىڭ بارلىق نىساندارىن جويۋ تۋرالى كونۆەنتسيانى راتيفيكاتسيالاۋ ارقىلى العان بولاتىنبىز»، دەيدى ق ر پرەزيدەنتى اكىمشىلىگى باسشىسىنىڭ ورىنباسارى ايدا بالايەۆا.
