بۇگىن كەرمەگە تارتىلۋدان جارىس تالدىقورعاندا وتەدى
رەسپۋبليكانىڭ بارلىق ءوڭىرىن قامتيتىن بۇقارالىق دودا 10-شىلدەدە قونايەۆ قالاسىندا باستالعان بولاتىن، دەپ حابارلايدى قازاقپارات.
ايتا كەتەيىك، Tartyl Fest رەسپۋبليكالىق سپورت فەستيۆالىنە ق ر پرەزيدەنتى جانىنداعى «دارا» تالانتتاردى قولداۋ قورى مەن جەتىسۋ وبلىسى اكىمدىگى قولداۋ بىلدىرگەن. بۇگىنگى سپورتتىق شارا قالالىق «جاستار» پاركىندە وتۋدە. جاسى مەن سالماعىنا قاراي قاتىسۋشىلار 9 ساناتتا سىنعا تۇسەدى. جارىستى رەسمي تورەشىلەر القاسى قاداعالايدى. فەستيۆال 10-شىلدە مەن 6-قىركۇيەك اراسىندا ەلىمىزدىڭ 20 قالاسىندا ۇيىمداستىرىلادى دەپ جوسپارلانعان.
قاتىسۋشىلارعا اقشالاي سىيلىقتار قاراستىرىلعان. وڭىرلەردەن ىرىكتەلگەن جەڭىمپازدار (9 سانات بويىنشا) نۇر-سۇلتان قالاسىنداعى گراند- فينالعا قاتىسادى. گراند-فينالدىڭ جۇلدە قورى - 54 ميلليون تەڭگە. ال جارىس چەمپيونى Street Workout بويىنشا الەمدىك چەمپيوناتقا جولداما الادى. Street Workout - اۋەسقويلار سپورتىنىڭ ءبىر ءتۇرى، بۇل اۋلاداعى سپورت الاڭىندا ءتۇرلى جاتتىعۋلارعا ارنالعان.
