10:56, 14 - شىلدە 2022 | GMT +5
پرەزيدەنت توراعالىعىمەن ۇكىمەتتىڭ كەڭەيتىلگەن وتىرىسى باستالدى
نۇر-سۇلتان. قازاقپارات - ەلوردادا مەملەكەت باسشىسى قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى باستالدى، دەپ حابارلايدى قازاقپارات ءتىلشىسى.
وسى جىلدىڭ 14-ماۋسىمىندا وتكەن ۇكىمەت وتىرىسىندا پرەمەر- مينيستر ءاليحان سمايىلوۆ مەملەكەت باسشىسىنىڭ قاتىسۋىمەن بەينەبايلانىس رەجيمىندە وتەتىن كەڭەيتىلگەن ءىس- شارا بارىسىندا ەلىمىزدىڭ ءبىرىنشى جارتىجىلدىقتاعى الەۋمەتتىك- ەكونوميكالىق دامۋى قورىتىندىلاناتىندىعىن ايتقان ەدى.
«الدىمىزداعى شىلدە ايىندا مەملەكەت باسشىسىنىڭ توراعالىعىمەن ۇكىمەتتىڭ كەڭەيتىلگەن وتىرىسى وتەدى. وندا ەلىمىزدىڭ ءبىرىنشى جارتىجىلدىقتاعى الەۋمەتتىك- ەكونوميكالىق دامۋىن قورىتىندىلايمىز. سونداي-اق ينفلياتسيا مەن ينۆەستيتسيا ماسەلەلەرى كوتەرىلەدى. بارلىق مينيسترلەر مەن اكىمدەر وسى وتىرىسقا دايىندالۋى كەرەك. التى ايدىڭ قورىتىندىسىن ءبىز جاڭا ءۇش وبلىستى قوسا وتىرىپ، جيىرما ءوڭىر بويىنشا تولىقتىرىپ جاسايمىز»، - دەگەن ەدى ءاليحان سمايىلوۆ.
