قازاقستاندىق بوكسشى تايسونمەن جۇدىرىقتاسادى

نۇر-سۇلتان. قازاقپارات - قازاقستاندىق بوكسشى ءالي احمەدوۆتىڭ (18-1، 14 ك و) كەلەسى قارسىلاسى بەلگىلى بولدى.

بۇل تۋرالى قازاقپارات Sports.kz سايتىنا سىلتەمە جاساپ حابارلايدى. سۋپەر ورتا سالماقتاعى قازاقستاندىق بوكسشى رينگكە 30-شىلدەدە ورالادى.

BoxRec.com سايتىنىڭ حابارلاۋىنشا، ونىڭ قارسىلاسى «تايسون» لاقاپ اتىمەن بەلگىلى مەكسيكالىق ريكاردو ادريان لۋنا (23-8-2، 15 ك و) بولماق. جەكپە-جەك ون راۋندتان تۇرادى. لۋنا قازاقستاندىق جانكۇيەرلەرگە 2020 -جىلى نۇرزات سابيروۆپەن (11-0، 9 ك و) جەكپە-جەگى ارقىلى تانىلعان.

وندا ريكاردو تورەشىلەردىڭ ءبىراۋىزدان قابىلداعان شەشىمىمەن جەڭىلگەن بولاتىن. ءالي احمەدوۆ - گەننادي گولوۆكيننىڭ (42-1-1، 37 ك و) GGG Promotions پروموۋتەرلىك كومپانياسىنىڭ بوكسشىسى. ول سول جەردە دجوناتون بەنكستىڭ جەتەكشىلىگىمەن جاتتىعىپ ءجۇر.

فوتو: sports.kz