قىتايدىڭ تاعى ءبىر قالاسىندا كوروناۆيرۋس ىندەتىنە بايلانىستى لوكداۋن ەنگىزىلدى

بەيجىڭ. قازاقپارات - قىتايدىڭ سولتۇستىك- باتىسىنداعى گانسۋ پروۆينسياسى لانجوۋ قالاسىنىڭ بيلىگى كوروناۆيرۋس ىندەتىنىڭ تارالۋىن بولدىرماۋ ماقساتىندا جەتى كۇندىك ءىشىنارا وقشاۋلاۋ ەنگىزدى.

بۇل تۋرالى ىندەتكە قارسى كۇرەس جونىندەگى قالالىق شتابتان مالىمدەدى، دەپ حابارلايدى قازاقپارات. جەرگىلىكتى دەنساۋلىق ساقتاۋ كوميسسياسىنىڭ مالىمەتىنشە، ىندەت باستالعالى لانجوۋدا جالپى سانى 140-تان استام ادامنىڭ COVID-19 ۆيرۋسىن جۇقتىرعانى انىقتالدى.

لانجوۋ قالاسىنىڭ ءتورت اۋدانىندا شەكتەۋ ەنگىزىلدى. ءتۇرلى ويىن-ساۋىق ورىندارىنىڭ (ينتەرنەت- كافەلەر، كاراوكە بارلار)، سپورت زالدارى، كينوتەاترلار، كىتاپحانالار مەن مۇراجايلاردىڭ جۇمىسى جەتى كۇنگە توقتاتىلدى. قوعامدىق تاماقتانۋ ورىندارى تەك الىپ كەتۋ نەمەسە جەتكىزۋدى ۇيىمداستىرىپ جۇمىس ىستەي الادى. بۇل ايماق تۇرعىندارىنا ۇيدە وتىرىپ، قاشىقتان جۇمىس ىستەۋگە كەڭەس ەتىلدى.

ەپيدەميولوگيالىق قاۋىپ دەڭگەيى تومەن اۋدانداردىڭ تۇرعىندارىنا ازىق- تۇلىك پەن باسقا دا قاجەتتى تاۋارلاردى ساتىپ الۋ ءۇشىن كۇنىنە ءبىر رەت ۇيدەن شىعۋعا رۇقسات ەتىلگەن. قالالىق قوعامدىق كولىك ءالى دە جۇمىس ىستەيدى. ونداعى جولاۋشىلار سوڭعى 24 ساعات ىشىندە الىنعان كوروناۆيرۋسقا تەرىس پ ت ر سىناماسىن ۇسىنۋى ءتيىس.

بۇرىن حابارلانعانداي، وتكەن اپتادا 13 ميلليون حالقى بار سيان مەگاپوليسىندە (شانشي پروۆينسياسى، سولتۇستىك- باتىس قىتاي) ءىشىنارا وقشاۋلاۋ ەنگىزىلدى. جەرگىلىكتى ب ا ق حابارلاۋىنشا، شيانداعى جاڭا COVID-19 ىندەتى BA.5.2 وميكرونىنىڭ جاڭا قوسالقى نۇسقاسىنان تۋىنداعان.

فوتو: news.cn