22:23, 13 - شىلدە 2022 | GMT +5
ۇلتتىق قاۋىپسىزدىك كوميتەتىنىڭ وكىلدەرى نۇرلان ءماسىموۆتى قالاي ۇستادى
نۇر-سۇلتان. قازاقپارات – ق ر ۇلتىق قاۋىپسىزدىك كوميتەتىنىڭ وكىلدەرى پاۆلودار وبلىستىق پوليتسيا دەپارتامەنتىنىڭ بۇرىنعى باستىعى نۇرلان ءماسىموۆتىڭ قالاي ۇستالعانى تۋرالى مالىمەتتەردى تاراتتى، دەپ حابارلايدى قازاقپارات كوميتەتتىڭ باسپا ءسوز قىزمەتىنە سىلتەمە جاساپ.
رەسەي فەدەراتسياسىنىڭ ارنايى قىزمەتىنىڭ كومەگىمەن قازاقستان-رەسەي شەكاراسىنىڭ شىعىس ۋچاسكەسىندە وتكىزۋ پۋنكتتەرىنەن تىس جەردەن زاڭسىز ءوتۋ ارەكەتى كەزىندە ق ر جانە ر ف ازاماتتارىنان تۇراتىن ءبىر توپ ادام ۇستالدى.
ولاردىڭ اراسىندا باستاپقىدا ءوزى تۋرالى جالعان دەرەكتەر بەرگەن ىزدەۋدەگى پاۆلودار وبلىسى بويىنشا پوليتسيا دەپارتامەنتىنىڭ ەكس-باستىعى نۇرلان ءماسىموۆ انىقتالدى.
كەلىسىمدەر اياسىندا رەسەي تاراپى 13 - شىلدەدە ن. ءماسىموۆتى ۇ ق ك شەكارا قىزمەتى قىزمەتكەرلەرىنە بەردى.
«قاجەتتى تەكسەرۋلەر مەن سۇراق الۋ ءىس-شارالارىنان كەيىن قۇزىرەتى بويىنشا ىزدەستىرۋدىڭ باستاماشىسى بولعان سىبايلاس جەمقورلىققا قارسى قىزمەتكە بەرىلدى»، - دەلىنگەن حابارلامادا.
