الماتىدا تاعى ءبىر قارۋ-جاراق ارسەنالى تابىلدى

الماتى. قازاقپارات - الماتىدا قارۋ-جاراق ارسەنالى ساقتالعان تاعى ءبىر ورىن تابىلدى، دەپ حابارلايدى قازاقپارات ءتىلشىسى.

الماتى قالاسىنىڭ كريمينالدىق پوليتسيا قىزمەتكەرلەرى ق ر ۇ ق ك الماتى دەپارتامەنتىنىڭ كومەگىمەن مەدەۋ اۋدانىنداعى باعباندىق سەرىكتەستىكتەردىڭ ءبىرىنىڭ اۋماعىنان قارۋ جاسىرىلعان ورىندى تاپتى.

«ول جەردە قاڭتارداعى تارتىپسىزدىكتەر كەزىندە المالى اۋدانىنداعى قارۋ-جاراق دۇكەنىنەن ۇرلانعان سايگا-410ك تەگىس ۇڭعىلى كارابين، پ م تراۆماتيكالىق تاپانشاسى، 2 ي ج تەگىس ۇڭعىلى مىلتىعى، ماكاروۆ جۇيەسى تاپانشاسىنىڭ پاتروندارى، 9 م م كاليبرلى، 12 كاليبرلى پاتروندار، سونداي-اق 7,62 كاليبرلى پاتروندار جاسىرىلعان. تاركىلەنگەن قارۋ ساراپتاماعا جىبەرىلدى»، - دەپ حابارلادى الماتى قالالىق پوليتسيا دەپارتامەنتىنەن.

اتالعان دەرەك مەدەۋ اۋداندىق پوليتسيا باسقارماسىندا ق ر ق ك- ءنىڭ 287-بابى 3-بولىگى بويىنشا تىركەلدى.

«ارسەنالدىڭ قايدان شىققانى تەرگەۋ امالدارى مەن جەدەل ءىس-شارالار جۇرگىزىلگەننەن كەيىن بەلگىلى بولادى»، - دەپ اتاپ ءوتتى ۆەدومستۆودان.