ق ر پرەزيدەنتى: ۇلتتىق قاۋىپسىزدىك - مەملەكەتتەردىڭ باسەكەگە قابىلەتتىلىگىن ارتتىرۋدىڭ شەشۋشى فاكتورى
پرەزيدەنت كۇشەيىپ كەلە جاتقان گەوساياسي شيەلەنىس، بۇرىن-سوڭدى بولماعان سانكتسيالىق تەكەتىرەس، گيبريدتى قاقتىعىستاردىڭ تارالۋى ۇلتتىق قاۋىپسىزدىككە جاڭا سىن-قاتەرلەر قاۋپىن توندىرەتىنىن ايتتى.
مەملەكەت باسشىسىنىڭ پىكىرىنشە، قارقىندى جاھاندانۋ مەن جاپپاي تەحنولوگيالىق توڭكەرىس ەلدەر اراسىنداعى شەكارانىڭ اشىق بولۋىنا اكەپ سوقتىردى. مەملەكەتتەردىڭ ءبىر-بىرىنە تاۋەلدىلىگى ارتادى جانە مۇنداي جاعدايدا قازاقستاننىڭ اقپاراتتىق جانە الەۋمەتتىك-مادەني كەڭىستىگىنە سىرتقى كۇشتەردىڭ ىقپالى كۇشەيە تۇسەدى.
- الدىمىزدا مەملەكەتتىك جانە قوعامدىق ينستيتۋتتاردىڭ ورنىقتى ءارى ءتيىمدى جۇمىس ىستەۋىن، ازاماتتاردىڭ قاۋىپسىزدىگىن قامتاماسىز ەتۋ مىندەتى تۇر. قاڭتارداعى قاسىرەتتى كۇندەردە كوميتەتتىڭ ءبىرقاتار باسشىلارىنىڭ نامىسسىزدىعى مەن ساتقىندىعىنا قاراماستان، كوپتەگەن وفيتسەرلەرىمىز ءوز انتتارىنا ادال بولىپ، باتىل ارەكەت ەتتى، ناعىز ەرلىك كورسەتتى. وزگە ەلدەردە جۋىردا بولعان اۋقىمدى قاقتىعىستار تۇراقتىلىق بولماي، ورنىقتى دامۋ مۇمكىن ەمەس ەكەنىن تاعى دا ءبىر كورسەتىپ بەردى. ۇلتتىق قاۋىپسىزدىك - مەملەكەتتەردىڭ باسەكەگە قابىلەتتىلىگىن ارتتىرۋدىڭ شەشۋشى فاكتورى. ارناۋلى قىزمەتتەر جۇمىسىنىڭ تابىستى بولۋى مەملەكەتتەردىڭ ىشكى ساياسي تۇراقتىلىعىنا عانا ەمەس، سونداي-اق ولاردىڭ ورنىقتى ەكونوميكالىق دامۋىنا ايتارلىقتاي دارەجەدە بايلانىستى، - دەدى مەملەكەت باسشىسى.
