اكادەميالىق دەربەستىكتى قولدايمىز - ساياسات نۇربەك نازاربايەۆ ۋنيۆەرسيتەتى تۋرالى

نۇر- سۇلتان. قازاقپارات - مينيستر ساياسات نۇربەك نازاربايەۆ ۋنيۆەرسيتەتىن عىلىم جانە جوعارى ءبىلىم مينيسترلىگىنىڭ قۇزىرىنا بەرۋ ۇسىنىسى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«نازاربايەۆ ۋنيۆەرسيتەتى كونستيتۋتسيالىق زاڭمەن رەتتەلەتىن اۆتونومدى وقۋ ۇيىمى بولعاندىقتان، ورنى مەن مارتەبەسى زاڭنامامەن بەكىتىلگەن. جوعارى وقۋ ورىندارىنىڭ اۆتونومياسىن ءبىز كۇشەيتەمىز. سوندىقتان، اكادەميالىق دەربەستىك پەن اۆتونوميانىڭ اياسىندا بولىپ جاتقان ءۇردىستى قولدايمىز»، - دەدى مينيستر.

ايتا كەتەيىك، بۇگىن مينيستر ساياسات نۇربەك ل. گۋمەليەۆ اتىنداعى ەۋرازيا ۇلتتىق ۋنيۆەرسيتەتىندە جوعارى وقۋ ورىندارىنا قۇجات قابىلداۋ ناۋقانىنىڭ بارىسىمەن تانىستى. شارادان كەيىن ۆەدومستۆو باسشىسى ب ا ق وكىلدەرىنىڭ سۇراقتارىنا جاۋاپ بەرىپ، بيىل مەملەكەتتىك جانە ۇلتتىق ۋنيۆەرسيتەتتەردە وقۋ اقىسى بىلتىرعى وقۋ جىلىنىڭ دەڭگەيىندە قالاتىنىن ايتتى.

«ونى ءبىزدىڭ مينيسترلىك باقىلاۋدا ۇستايتىنىن ناقتى ايتا الام. بىرنەشە جەكەمەنشىك ۋنيۆەرسيتەتتە باعا كوتەرىلدى. ءبىراق، مەملەكەتتىك ۋنيۆەرسيەتتەردە باعانى بيىل كوتەرمەيمىز، ياعني بىلتىرعى وقۋ جىلىنداعى دەڭگەيمەن قالادى»، - دەدى ساياسات نۇربەك.

اۆتور: ەسىمجان ناقتىباي