بۇگىن تولعان ايدىڭ جەرگە بارىنشا جاقىنداعانىن كورۋگە بولادى

ماسكەۋ. ت ا س س- قازاقپارات - بۇگىن، 13-شىلدەدە ادامدار تولعان ايدىڭ جەرگە بارىنشا جاقىن ورنالاسۋ ءساتىن باقىلاي الادى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

ماسكەۋ پلانەتارييىنىڭ باسپا ءسوز قىزمەتى حابارلاعانداي، 13-شىلدەدە اي ءوز وربيتاسىنىڭ جەرگە ەڭ جاقىن نۇكتەسىندە بولادى. پلانەتا مەن سپۋتنيك اراسىنداعى قاشىقتىق - 357263 ك م بولادى، ال 9,5 ساعاتتان كەيىن اي تولادى.

«13-شىلدەدە تولىق اي كوكجيەكتەن ساعات 21 دەن كەيىن پايدا بولادى جانە ءتۇن ورتاسى شاماسىندا وڭتۇستىك كوكجيەكتەن ەڭ جوعارى بيىكتىكە كوتەرىلەدى. ءتۇنى بويى كۇن شىققانعا دەيىن اي مەرگەن شوقجۇلدىزىندا جارقىرايدى»، - دەپ حابارلادى ت ا س س اگەنتتىگىنە پلانەتاري.

اسپان اشىق بولسا، تولعان ايمەن بىرگە ەكى پلانەتا - ساتۋرن مەن يۋپيتەردى دە كورە الاسىز.