مەملەكەتتىك، ۇلتتىق ۋنيۆەرسيەتتەردە وقۋ اقىسى بىلتىرعى دەڭگەيدە قالادى - ساياسات نۇربەك
«اقىلى وقۋدىڭ باعاسى - كوپ ادامداردىڭ كوككەيىندە جۇرگەن ماسەلە. بىرنەشە جوعارى وقۋ ورنى، اسىرەسە، باتىس وڭىرلەردە باعانى كوتەردى. بىرىنشىدەن، بۇلار - جەكەمەنشىك جوعارى وقۋ ورىندارى. ەكىنشىدەن، بۇعان دەيىن بىرنەشە جىل وقۋ باعاسىن كوتەرۋگە موراتوري بولعان. سول موراتوري مەرزىمىنىڭ اياقتالۋىن كۇتىپ- كۇتىپ، قازىر ءبىراز كوتەرە باستادى. ءبىراق ءبىز بيىل ماسەلەنى ءتۇسىنىپ وتىرمىز. قازىرگى تاڭدا الەۋمەتتىك- ەكونوميكالىق جاعداي قيىن ءبىر كەزەڭگە تاپ كەلىپ تۇر. گەوساياسي ماسەلەلەر بار، باعالار كوتەرىلىپ كەلە جاتىر. سوندىقتان مەملەكەتتىك، ۇلتتىق جوعارى وقۋ ورىندارىندا شاكىرتاقى تولەماقىلارى كوتەرىلمەيدى»، - دەدى ۆەدومستۆو باسشىسى.
مينيستر مەملەكەتتىك جوعارى وقۋورىندارىنداعى ءبىلىم الۋ اقىسى ۇدايى باقىلاۋدا بولاتىنىن ايتتى.
«ونى ءبىزدىڭ مينيسترلىك باقىلاۋدا ۇستايتىنىن ناقتى ايتا الام. بىرنەشە جەكەمەنشىك ۋنيۆەرسيتەتتە باعا كوتەرىلدى. ءبىراق مەملەكەتتىك ۋنيۆەرسيەتتەردە باعانى بيىل كوتەرمەيمىز. ياعني، بىلتىرعى وقۋ جىلىنداعى دەڭگەيمەن قالادى»، - دەدى ساياسات نۇربەك.
ەسكە سالساق، پاندەميادان كەيىن ەلدەگى جوعارى وقۋ ورىندارىنىڭ ءبارى ءداستۇرلى ءبىلىم بەرۋ فورماتىنا كوشىپ، وقۋ اقىلارىن قايتا ناقتىلاعان بولاتىن.
