الماتىدا ەكى كوشە ۋاقىتشا جابىلادى

الماتى. قازاقپارات- الماتىدا دوستىق داڭعىلى مەن بوگەنباي باتىر كوشەلەرى ءبىر كۇنگە جابىلادى، دەپ حابارلايدى قازاقپارات ءتىلشىسى.

«15-شىلدە كەشكى ساعات 22:00 دەن 16- شىلدە تاڭعى ساعات 06:00 گە دەيىن دوستىق داڭعىلى مەن تولە بي كوشەلەرىنىڭ قيىلىسىندا كولىك قوزعالىسى شەكتەلەدى. سونىمەن قاتار، 16-شىلدە ساعات 22:00 دەن 17- شىلدە تاڭعى ساعات 06:00 گە دەيىن بوگەنباي باتىر جانە پۋشكين كوشەلەرىنىڭ قيىلىسى جابىلادى»، - دەپ حابارلادى «الماتى جىلۋ جەلىلەرى» ج ش س- دان.

ۋاقىتشا شەكتەۋلەر مۇنداعى كولىك جۇرەتىن جولدىڭ استىنداعى ماگيسترالدىق جىلۋ جۇيەلەرىن جوسپارلى جوندەۋگە بايلانىستى ەنگىزىلىپ جاتىر.

كومپانيا كەلتىرىلگەن قولايسىزدىق ءۇشىن الماتىلىقتاردان كەشىرىم سۇرايدى.

سونىمەن قاتار، جۇرگىزۋشىلەرگە جول ءجۇرۋ باعىتىن الدىن الا جوسپارلاۋعا كەڭەس بەرەدى.