قازاقستاندا الداعى كۇندەرى اۋا رايى قانداي بولاتىنى ايتىلدى

نۇر-سۇلتان. قازاقپارات - قازگيدرومەت ماماندارى 14، 15 جانە 16-شىلدەگە ارنالعان اۋا رايى بولجامىن ۇسىندى، - دەپ حابارلايدى «قازگيدرومەد».

سينوپتيكتەر مالىمەتىنشە، يران ايماقتارىنان كەلەتىن جىلى اۋا ماسسالارى قازاقستاننىڭ بارلىق اۋماعىنا اسەرىن تيگىزەدى.

«جىلى اۋا ماسساسى جازعى اۋا تەمپەراتۋراسىن اكەلىپ، قازاقستاننىڭ بۇكىل اۋماعىنا اسەر ەتەدى. ءتىپتى ەلىمىزدىڭ سولتۇستىگىندە تەرمومەتر باعانى كۇندىز 30-35 گرادۋس بولادى»، - دەلىنگەن حابارلامادا.

ءبىراق جوعارى تەمپەراتۋراعا قاراماستان، قىسقا مەرزىمدى جاڭبىر جاۋىپ، نايزاعاي بولادى.

«15-شىلدەدەن باستاپ باتىسقا قاراي، ال 16-شىلدەدەن باستاپ سولتۇستىك تسيكلون ەلدىڭ سولتۇستىگىنە اسەر ەتە باستايدى، بۇل اۋا تەمپەراتۋراسىنىڭ ازداپ تومەندەۋىنە اكەلەدى»، - دەدى سينوپتيكتەر.

قازاقستان قالالارىنىڭ اۋا رايى بولجامى كارتاسىن مىنا سىلتەمە ارقىلى كورۋگە بولادى.