نۇر-سۇلتان قالاسى سوتىنا جاڭا ءتوراعا سايلاندى
«وسىعان دەيىن الماتى قالالىق سوتىنىڭ قىلمىستىق ىستەر جونىندەگى سوت القاسىن باسقارعان اقان جۇماعۇلوۆ پرەزيدەنتتىڭ 2022 -جىلعى 11-شىلدەدەگى جارلىعىمەن ەلوردا سوتىنىڭ ءتوراعاسى قىزمەتىنە تاعايىندالدى»، - دەلىنگەن قالالىق سوت باسپا ءسوز قىزمەتىنىڭ مالىمەتىندە.
ءا. جۇكەنوۆ ەلوردالىق سوتتىڭ جاڭا ءتوراعاسىن سۋديالار كورپۋسىندا ءوزىن تانىتقان جوعارى بىلىكتى مامان رەتىندە سيپاتتادى. جوعارعى سوت القاسىنىڭ ءتوراعاسى وسى جارلىقپەن تاعايىندالعان اۋداندىق سوتتاردىڭ ءتوراعالارى مەن ەلوردالىق قالالىق سوتتىڭ سۋديالارىن دا تانىستىردى.
اتاپ ايتقاندا، ەسىل اۋداندىق سوتىنىڭ ءتوراعاسى بولىپ الماس ءسالىموۆ، ەسىل اۋدانىنىڭ №2-اۋداندىق سوتىنىڭ ءتوراعاسى قىزمەتىنە داۋرەنبەك داۋموۆ تاعايىندالدى.
سونىمەن قاتار، نۇر-سۇلتان قالاسى سوتىنىڭ سۋدياسى لاۋازىمىنا ايبەك امىرعاليەۆ، گۇلنار داۋلەشوۆا، انار كارىموۆا تاعايىندالدى.
