وسكەمەن مەن سەمەي اراسىندا كەمە قاتىناۋى مۇمكىن
اباي وبلىسىنىڭ اكىمى نۇرلان ۋرانحايەۆ بۇرىنعى وزەن پورتىن ارالاپ كوردى. ءوڭىر باسشىسى مۇندا كەمە قاتىناسىن جانداندىرۋ قاجەتتىگىن اتاپ ءوتتى.
«ەرتىستەگى كەمە قاتىناسىن جانداندىرۋ كەرەكتىگى تۋرالى وسىعان دەيىن دە ايتقان بولاتىنمىن. كەز- كەلگەن كەمە ءۇشىن پيرس قاجەت ەكەندىگى بەلگىلى. سول ءۇشىن بۇرىنعى وزەن ۆوكزالىنىڭ جاعدايىمەن ءجىتى تانىستىق»، - دەدى نۇرلان ۇرانحايەۆ.
وبلىس اكىمى قالادا كەمە قاتىناسىن جاڭعىرتۋ ءۇشىن بارلىق مۇمكىندىكتىڭ بار ەكەندىگىن ايتتى.
«قارجى جۇمىلدىرۋعا دايىن ينۆەستورلار بار. بۇرىن وسكەمەن مەن ومبى اراسىندا سەمەي ارقىلى ءبىزدىڭ ماقتانىشىمىز - «راكەتالار» جۇرەتىن. كەمە قاتىناسىن قايتا جانداندىرعانىمىز دۇرىس. قازىر حالىقتىڭ كوپشىلىگىن جولمەن ءجۇرۋ شارشاتتى. وسكەمەننەن سەمەيگە جەتۋ ءۇشىن شليۋزدەۋدى ەسەپكە العاندا ءۇش جارىم ساعاتتاي ۋاقىت كەتەدى. كوبىسى مىنەدى دەپ ويلايمىن. جۇك تاسىمالدارىنا كەلەتىن بولساق - بۇل جەكە تاقىرىپ، ونى ەسەپتەن الىپ تاستامايمىز. وعان باسقا ينۆەستورلار قاجەت بولادى»، - دەپ تۇيىندەدى ن. ۇرانحايەۆ.
