قازاقستاندىق فيلم الەمدىك كينوفەستيۆالدىڭ بايقاۋىنا ءتۇستى

ماسكەۋ. قازاقپارات - اندرەي تاركوۆسكي اتىنداعى «اينا» حالىقارالىق كينوفەستيۆالىنىڭ باستى بايقاۋى سەگىز فيلمدى بىرىكتىرەدى، ونىڭ ىشىندە قازاقستان، سەربيا، گرەكيا، كولۋمبيا، رەسەي جانە باسقا دا ەلدەردىڭ فيلمدەرى بار، دەپ حابارلايدى قازاقپارات ت ا س س-قا سىلتەمە جاساپ.

فەستيۆال يۆانوۆو وبلىسىندا 22-27-شىلدە ارالىعىندا وتەدى. تاركوۆسكييدىڭ تۋعان جەرى يۋريەۆەتستە رەجيسسەردىڭ تۋعانىنا 90 جىل تولۋىنا ارنالعان كونسەرتپەن اشىلادى. نەگىزگى بايقاۋعا 8 فيلم ۇسىنىلىپ وتىر، جالپى 10 مەملەكەت قاتىسقان. «اينا» حالىقارالىق بايقاۋى ءداستۇرلى تۇردە الەمنىڭ تۇكپىر-تۇكپىرىنەن كەلگەن اۆتورلىق فيلمدەردەن تۇرادى. بايقاۋدا رەسەيدى تينا ماستافايەۆانىڭ «تەمبوت» فيلمى مەن ماريا يگناتەنكونىڭ «پريزراچنو-بەلىي» كارتيناسى قورعايدى. سونداي-اق باعدارلاماعا سەربيالىق ميلوش پۋشيچتىڭ «گەروي رابوچەگو كلاسسا»، گرەكيالىق كريستوس پاساليس پەن سيلاس سۋمەكاستىڭ «گورود ي گورود»، قازاقستاندىق اسقار ۇزابايەۆتىڭ «باقىت» فيلمدەرى مەن باسقا دا جوبالار ەنگىزىلدى.

قازىلار القاسىن اۆتورلىق كينەماتوگرافيانىڭ كلاسسيگى، تاركوۆسكيدىڭ كۋرستاسى، رەجيسسەر الي حامرايەۆ باسقارادى. رەجيسسەر اسقار ۇزابايەۆ، پروديۋسەر بايان الاگوزوۆا تۇسىرگەن «باقىت» فيلمى تۇرمىستىق زورلىق-زومبىلىق ماسەلەسىنە ارنالعان.