اۋىل شارۋاشىلىعى مينيسترلىگى ىشكى نارىقتى قانتپەن قامتۋدىڭ ناقتى شارالارىن قابىلداپ جاتىر
مينيسترلىكتىڭ مالىمەتىنشە، ماۋسىم ايىندا ءۇشىنشى ەلدەردەن باجسىز اكەلۋگە ارنالعان كۆوتا شەڭبەرىندە 23,5 مىڭ توننا ءونىم يمپورتتالعان. اكىمدىكتەر ماۋسىم ايىنىڭ باسىندا قورلارداعى كولەم 28,9 مىڭ توننانى قۇرايتىنىن جەتكىزدى. اۋىسپالى قور شىلدە ايىنىڭ باسىندا 27,2 مىڭ توننانى كورسەتتى.
زاۋىتتاردىڭ دەرەكتەرىنە سايكەس، شىلدەدە 37 مىڭ توننا قانت ءوندىرۋ جوسپارلانىپ وتىر، ال ونىڭ يمپورتى 39,7 مىڭ توننا بولادى دەپ كۇتىلۋدە. بۇعان قوسا، 11-شىلدەدەگى كورسەتكىش بويىنشا رەسپۋبليكاداعى قانت قورى - 26,8 مىڭ توننا. اۋىل شارۋاشىلىق مينيسترلىگى ونىممەن قامتاماسىز ەتۋ ءۇشىن 250 مىڭ توننا كولەمىندە قانت پەن قۇراق شيكىزاتىن باجسىز اكەلۋگە كۆوتا ءبولدى، قالعان 100 مىڭ توننانى بولۋگە وتىنىمدەر قابىلدانىپ جاتىر.
كۆوتالاردىڭ قولدانىلۋ مەرزىمى 31-قازانعا دەيىن ۇزارتىلىپ، ءتورت جۇمىس توبى قۇرىلىپ (زاۋىتتار، وبلىس اكىمدىكتەرى، ق ر ق م م ك ك، «ق ت ج» ۇ ك» ا ق) شەڭبەرىندە قانت كولەمىن وڭىرلەرگە جەدەل ءبولۋ جۇزەگە اسىرىلادى، قانت ءوندىرۋ مەن جەتكىزۋدىڭ اپتا سايىنعى كەستەسى پىسىقتالىپ وتىرادى. سونداي-اق وڭىرلەردىڭ قانتپەن قامتاماسىز ەتىلۋىنە مونيتورينگ جاسالادى، جۇكتى ۋاقتىلى كەدەندىك رەسىمدەۋ جۇزەگىزىلىپ، توراپتىق ستانسيالاردا تۇرىپ قالۋدى بولدىرماۋ ماقساتىندا قانت پەن شيكىزاتتى تاسىمالداۋ پروتسەسى قاداعالانادى.
ۇكىمەت وتاندىق قانت نارىعىنداعى جاعدايدى تۇراقتاندىرۋ جونىندەگى بەس جىلدىق كەزەڭگە ارنالعان ءىس-شارالار جوسپارىن ماقۇلدادى، وعان جوسپار اياسىندا قانت قىزىلشاسىن ەگۋ الاڭدارىن ۇلعايتۋ، سۋارۋ جەلىلەرىن قايتا قۇرۋ جانە سالۋ، قانت زاۋىتتارىن جاڭعىرتۋ، ىشكى نارىقتى قورعاۋ، مەملەكەتتىك قولداۋ شارالارىن كورسەتۋ جونىندەگى ءىس- شارالار كىرەدى. سونىمەن بىرگە، قانت قىزىلشاسىن قايتا وڭدەۋگە وتكىزۋدى سۋبسيديالاۋ نورماتيۆى ۇلعايتىلادى، قۇراق شيكىزاتىنىڭ يمپورتى كەزىندە ق ق س- تى نولگە ءتۇسىرۋ جانە قىزىلشا قانتىن وندىرۋگە ق ق س-تى %70 عا تومەندەتۋ جانە قۇراق قانتىنا وسى جەڭىلدىكتى تاراتۋ بويىنشا جەڭىلدىكتىڭ قولدانىلۋ مەرزىمىن ۇزارتۋ جوسپاردا بار.
وسىلايشا، قازاقستاننىڭ اۋىل شارۋاشىلىعى مينيسترلىگىندە ىشكى نارىقتى قانتپەن قامتاماسىز ەتۋ ءۇشىن پارمەندى شارالار قابىلدانۋدا.
