ءاليحان سمايىلوۆ باسپانا باعاسىن قالاي تۇراقتاندىرۋعا بولاتىنىن ايتتى
بۇل تۋرالى ق ر پرەمەر-ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى. «نەگىزىن ايتار بولساق، مەملەكەت جىلجىمايتىن مۇلىك نارىعى باعاسىن رەتتەمەيدى. ءبىراق، ءبىز ءتيىستى مونيتورينگ جۇرگىزەمىز. سول نارىق باعاسىنىڭ وسۋىنە نە وسپەۋىنە تىكەلەي ىقپال ەتەتىن قۇرىلىس ماتەريالدارى ەكەنى بەلگىلى. مەملەكەت وسى قۇرىلىس ماتەريالدارى باعاسىنىڭ وسپەۋىنە ءتيىستى ءىس- شارالار قابىلداۋى كەرەك. ءبىز، مىسالى بەس جىلدىڭ ىشىندە 107 ينۆەستيتسيالىق جوبانى ىسكە اسىرامىز. ولاردىڭ كولەمى ءبىر ترلن تەڭگەگە جەتەدى. اتالعان ينۆەستيتسيالىق جوبالار وتاندىق قۇرىلىس ماتەريالدارىن شىعارۋعا باعىتتالعان»، - دەدى ۇكىمەت باسشىسى «Qazaqstan» ۇلتتىق تەلەارناسىنىڭ «جاڭا قازاقستان» باعدارلاماسىنا بەرگەن سۇحباتىندا.
ونىڭ اتاپ وتۋىنشە، اتالعان جۇمىستاردىڭ ناتيجەسىندە ەلىمىزدىڭ قۇرىلىس سالاسىنا قاجەتتى ماتەريالداردى شىعارساق، وندا ول تۇرعىن ءۇي باعاسىنىڭ تۇراقتانۋىنا تىكەلەي اسەرىن تيگىزەتىن بولادى. «بۇل باعىتتا ارنايى جۇمىس جۇرگىزىپ جاتىرمىز»، - دەدى ءاليحان سمايىلوۆ.
وسىعان دەيىن ۇكىمە باسشىسىنىڭ زەينەت جاسىن تومەندەتۋگە قاتىستى پىكىرىن بەرگەن بولاتىنبىز.
