كاسپي قۇبىر كونسورتسيۋمى ارقىلى مۇناي ەكسپورتىنا ەش شەكتەۋ جوق - ءاليحان سمايىلوۆ

نۇر-سۇلتان. قازاقپارات - رەسەيدەگى گەوساياسي وقيعا سالدارىنان ساۋدا- ساتتىققا بايلانىستى لوگيستيكالىق ماسەلەلەر تۋىندادى.

بۇل تۋرالى ق ر پرەمەر- ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى. «سوڭعى ءبىر مىسال – ك ق ك مۇناي قۇبىرى بويىنشا نوۆوروسيسكتەگى اۋداندىق سوت 5-شىلدە كۇنى ك ق ك جۇمىسىنا ءبىر ايعا شەكتەۋ قويدى. 6-شىلدە كۇنى ءبىز رەسەيلىك ارىپتەسىمىز - ۇكىمەت توراعاسىمەن بايلانىسىپ، سول كۇنى ماسەلەنى شەشتىك. كقك قۇبىرىنىڭ جۇمىسى شتاتتىق رەجيمدە جۇمىس ىستەپ تۇر. مۇناي ەكسپورتىنا ەشقانداي شەكتەۋ قويىلعان جوق. سونداي ماسەلەلەر كۇندەلىكتى تۋىندايدى، ءبىز بۇل ماسەلەلەردى شەشۋ ءۇشىن كورشىلەس ەلدەردىڭ ۇكىمەت باسشىلارىمەن تىعىز بايلانىستامىز، كۇندەلىكتى پروبلەمالاردى جەدەل تۇردە شەشۋگە شارا قابىلداۋدامىز. بۇل - جەدەل شارالار»، - دەدى ءاليحان سمايىلوۆ ۇلتتىق ارنادا «جاڭا قازاقستان» باعدارلاماسىندا.

ەسكە سالساق، نوۆوروسسييسكىنىڭ پريمورسك اۋداندىق سوتى قۇجاتتىق زاڭ بۇزۋشىلىقتار ءۇشىن «ك ت ك-ر» كومپانياسىنىڭ قىزمەتىن 30 تاۋلىككە توقتاتقان بولاتىن. ق ر پرەمەر-ءمينيسترى ءاليحان سمايىلوۆ كاسپي قۇبىر كونسورتسيۋمى قىزمەتىنىڭ ۋاقىتشا توقتاپ قالۋىنا بايلانىستى جەدەل كەڭەس وتكىزدى. پرەزيدەنت قاسىم-جومارت توقايەۆ مۇناي تاسىمالداۋدا ترانسكاسپي باعدارىن دامىتۋدى تاپسىردى. 11-شىلدەدە كراسنودار وڭىرلىك سوتى كاسپي قۇبىر كونسورتسيۋمى جۇمىسىن توقتاتا تۇرۋ جونىندەگى شەشىمدى وزگەرتىپ، ايىپپۇلعا الماستىردى.