زەينەتكەرلىككە شىعۋ جاسى تومەندەتىلە مە: ۇكىمەت باسشىسىنىڭ جاۋابى

نۇر-سۇلتان. قازاقپارات – ق ر پرەمەر-ءمينيسترى ءاليحان سمايىلوۆ زەينەتكەرلىككە شىعۋ جاسىن تومەندەتۋگە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«بۇل ماسەلەنى ەڭبەك جانە حالىقتى الەۋمەتتىك قورعاۋ مينيسترلىگى ارنايى زەردەلەپ جاتىر. ءتيىستى قوعامدىق وكىلدەرىمەن بىرنەشە كەزدەسۋ وتكىزىلدى. بۇل جەردە ايتاتىن ماسەلە، ادامدار ەرتە شىعاتىن بولسا (زەينەتكەرلىككە)، وندا زەينەتاقىنىڭ دا مولشەرى دە سوعان سايكەس تومەن بولادى. سوندىقتان مۇنى دا ەسكەرۋ قاجەت. دەگەنمەن، قوعامدا وسىنداي پىكىر بولعاننان كەيىن ارينە، جان-جاقتى تالداپ، زەرتتەۋ قاجەت. قازىر ارناۋلى جۇمىس توبى قۇرىلىپ، مينيسترلىك اياسىندا بۇل ماسەلەنى زەردەلەپ جاتىر. سونىڭ ناتيجەسىندە سالالىق مينيسترلىك ءتيىستى اقپارات بەرەدى دەپ ويلايمىن»، - دەدى ۇكىمەت باسشىسى «Qazaqstan» ۇلتتىق تەلەارناسىنىڭ «جاڭا قازاقستان» باعدارلاماسىنا بەرگەن سۇحباتىندا.