ءاليحان سمايىلوۆ سيندزو ابەنىڭ وتباسىنا جانە جاپونيا حالقىنا كوڭىل ايتتى

نۇر-سۇلتان. قازاقپارات – ق ر پرەمەر-ءمينيسترى ءاليحان سمايىلوۆ جاپونيا ەلشىلىگىنە بارىپ، كورنەكتى ساياسي قايراتكەر، بۇرىنعى پرەمەر-مينيستر سيندزو ابەنىڭ قازا بولۋىنا بايلانىستى وسى ەلدىڭ حالقىنا كوڭىل ايتتى.

ديپلوماتيالىق ميسسيا باسشىسى دجۋنۋ يامادەمەن اڭگىمەلەسۋ بارىسىندا ءاليحان سمايىلوۆ قازاقستاننىڭ ابە مىرزانى ءوز ەلىنىڭ پاتريوتى جانە قازاقستان-جاپونيا قارىم-قاتىناستارىنىڭ دامۋىنا ەلەۋلى ۇلەس قوسقان ساياساتكەر رەتىندە بىلەتىنىن اتاپ ءوتتى، دەپ حابارلايدى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ.

«سيندزو ابە جاپونيانىڭ دامۋى ءۇشىن عانا ەمەس، حالىقارالىق ىنتىماقتاستىقتى نىعايتۋ ءۇشىن دە كوپ ەڭبەك ەتتى. وسى قيىن ساتتە قازاقستان ۇكىمەتىنىڭ جانە جەكە ءوزىمنىڭ اتىمنان ابە مىرزانىڭ وتباسىنا جانە بۇكىل جاپون حالقىنا كوڭىل ايتامىن»، - دەدى ۇكىمەت باسشىسى.

ق ر پرەمەر-ءمينيسترى ەلشىلىككە بارعان كەزدە كوڭىل ايتۋ كىتابىنا جازبا قالدىردى.