ەلەنا رىباكينا فەدەراتسيا سىياقىسىنان باس تارتۋ سەبەبىن ءتۇسىندىردى
«ماعان بۇعان دەيىن دە كومەكتەستى، كومەكتەسىپ تە جاتىر. ەندى مەنىڭ كەزەگىم كەلدى دەپ ويلايمىن، ياعني العىسىمدى سوزبەن عانا ەمەس، ىسپەن دالەلدەيتىن ۋاقىت كەلدى. مەنىڭ جەڭىسىم بارشاعا ورتاق. جەڭىس مۇنىمەن بىتپەيدى، الدا تاعى جەڭىستى ساتتەر كۇتىپ تۇر دەپ ۇمىتتەنەمىن. تيىسىنشە قايىرىمدىلىق جاساۋ دا جالعاسىن تابادى. سوندىقتان، اقىلداسا كەلە سىياقىنى قايىرىمدىلىققا جۇمساۋ تۋرالى شەشىم قابىلدادىق»، - دەدى ەلەنا رىباكينا ەلوردادا وتكەن باسپا ءسوز ءماسليحاتىندا.
تانىمال تەننيسشى بالا كۇنىندە كاسىبي سپورتشى بولامىن دەگەن ماقسات قويماعان.
«تەننيستى بالا كەزىمدە كاسىبي سپورتشى بولامىن دەپ ويناعان جوقپىن. ول كەزدە مەن ءۇشىن تەننيس ويناۋ مەكتەپتەن كەيىن ۋاقىت وتكىزۋدىڭ قۇرالى بولدى. اتام-انام كاسىبي تەننيسشى بولۋىم ءۇشىن ماعان قارجى قۇيعان ەمەس. بۇل جاعىنان ەرىك وزىمدە بولدى. تەننيسپەن وزىمە ۇناعاندىقتان اينالىستىم»، - دەيدى ول.
ەسكە سالساق، ۋيمبلدون چەمپيونى ەلەنا رىباكينا تۋرنيردەگى جەڭىسى ءۇشىن بەرىلەتىن قازاقستان تەننيس فەدەراتسياسىنىڭ سىياقىسىن الۋدان باس تارتقان ەدى.
بۇعان دەيىن سپورتشى ءوزىن «رەسەيدىڭ دايىن ءونىمى» دەيتىندەرگە جاۋاپ بەردى.
سونداي-اق، ە. رىباكينا ءجيى قويىلىپ جۇرگەن سۇراقتاردىڭ ءبىرى - ازاماتتىعىنا قاتىستى تۇسىنىك بەردى.
ۋيمبلدون-2022 تۋرنيرىنىڭ جەڭىمپازى جارىستان العان سىياقىنىڭ ءبىر بولىگىن جانۋارلاردى قورعاۋعا جۇمسايتىنىن ايتتى. ودان بولەك، تەننيسشى قازاقستاننىڭ اتىنان ونەر كورسەتۋىنە قاتىستى پىكىر ءبىلدىردى.
