18:20, 12 - شىلدە 2022 | GMT +5
قوستانايدان تۇركياعا بەت العان ۇشاق اۋەجايدا جانارماي قۇيا الماي اقتاۋعا قوندى
قوستاناي. قازاقپارات - «قوستاناي- انتاليا» باعىتىنداعى رەيس جانارماي قۇيۋ كەزىندەگى تەحنيكالىق اقاۋلارعا بايلانىستى ۇشا المادى، دەپ حابارلايدى قازاقپارات ءتىلشىسى.
جولاۋشىلار كولىگى جانە اۆتوموبيل جولدارى باسقارماسى جاعدايعا قاتىستى تۇسىنىكتەمە بەردى. «بيىل 12-شىلدەدە «SCAT» اۆياكومپانياسىنىڭ ۇشاعى ورىنداۋى ءتيىس قوستاناي- انتاليا باعىتىنداعى № 5280 رەيسىنىڭ ۇشۋىنا دايىندىق كەزىندە اۋە كەمەسىنە جانارماي قۇيۋ ءراسىمى توقتاتىلدى»، - دەپ حابارلادى ۆەدومستۆودان.
ۆەدومستۆونىڭ حابارلاۋىنشا، ءبىر ساعات ىشىندە ۇشاقتى توقتاتۋعا نەگىز بولعان سەبەپتەر جويىلدى. ءبىراق اۆياكومپانيا اۋە كەمەسىنە باسقا اۋەجايدان جانارماي قۇيۋ تۋرالى شەشىم قابىلدادى. رەيس جولاۋشىلارىنا سىلتەمە جاساعان جەرگىلىكتى پابليكتەرىدىڭ حابارلاۋىنشا، كەمە جانارماي قۇيۋ ءۇشىن اقتاۋعا قونعان.
